बेलेवाडी पाणीदार होण्यासाठी सह्याद्रीचा हातभार

कराडः सह्याद्री सहकारी साखर कारखाना कार्यक्षेत्रातील मौजे बेलेवाडी ता.कोरेगाव या गावाने सत्यमेव जयते वॉटर कप स्पर्धेत भाग घेतला असून ग्रामस्थांच्या मागणीनुसार सह्याद्री सहकारी साखर कारखान्याचे चेअरमन व कराड उत्तरचे आ.बाळासाहेब पाटील यांच्या प्रयत्नातून या स्पर्धेसाठी कारखाना माध्यमातून पोकलँन मशीन उपलब्ध करून दिले असून सदर मशीन ने डोंगर उतारावर चरी खोदने, ओढ्याचे रुंदीकरण व खोलीकरण करण्याच्या कामाचा शुभारंभ करण्यात आला.
या प्रसंगी कारखान्याचे संचालक मा.तानाजीराव जाधव, माजी संचालक, मा. संभाजीराव गायकवाड, वाहन विभाग प्रमुख मा.विलासराव क्षिरसागर, सिव्हिल इंजिनिअर मा.उदय पाटील, बेलेवाडीचे सरपंच संतोष जाधव, लक्ष्मण कणसे, बाळू कणसे, विठ्ठल कणसे, दादासो जाधव, दिनकर जाधव, अंकुश जाधव, सुरेश कणसे, पांडुरंग जाधव, अधिक जाधव, भैरू कणसे, बाळू जाधव, कृष्णा जाधव, योगेश जाधव, किरण जाधव,नंदकुमार जाधव, उमेश कणसे तसेच ग्रामस्थ उपस्थित होते.