सातारा दि. 18 ( जि. मा. का ): क्रांतिसिंह नाना पाटील सर्वसाधारण रुग्णालयात मुंबई वरून आलेला 54 वर्षीय व्यक्तीचे 14 आणि 15 दिवसाचे रिपोर्ट निगेटिव्ह आल्यामुळे तो आता कोरोना मुक्त झाला आहे. उद्या या व्यक्तीला हॉस्पिटल मधून सोडले जाईल अशी माहिती जिल्हा शल्य चिकित्सक डॉ.आमोद गडीकर यांनी सांगितले आहे.
42 अनुमानित नागरिकांचे रिपोर्ट आले निगेटिव्ह
कृष्णा मेडिकल कॉलेज, कराड येथे दाखल असणाऱ्या 19, उपजिल्हा रुग्णालय, कराड येथे दाखल असणाऱ्या 7, उपजिल्हा रुग्णालय, फलटण येथे दाखल असणाऱ्या 7, क्रांतीसिंह नाना पाटील सर्वसाधारण रुग्णालय सातारा येथे दाखल असणाऱ्या 9 अशा एकूण 42 कोरोना अनुमानित नागरिकांचे अहवाल निगेटिव्ह आला असल्याचे बी. जे. वैद्यकीय महाविद्यालय, पुणे यांनी कळविले आहे, अशी माहिती जिल्हा शल्यचिकित्सक डॉ. आमोद गडीकर यांनी दिली आहे.
