सातारा : मी जळगाव येथून कासला फिरण्यासाठी आलो आहे. माझे सर्व मित्र मला सोडून कासला गेले आहेत. माझ्या गाडीतील पेट्रोल संपले असा बहाणा करून सॅमसँग कंपनीचा एसएमजे-7 प्राईम मॉडेल हा बनावट मोबाईल खरा असल्याची बतावणी करून संभाजीनगर कोडोली येथील गजानन बॅटरी या दुकानात 8 हजार 500 रूपयांना विकून फसवणुक करणारा भामटा कन्हैयलाल देविदास बेलतदार (वय 24, एरंडोल, जि. जळगाव यास सायबर विभागाच्या पथकाला सापळा रचून गजाआड करण्यात यश आले.
दरम्यान बनावट कंपनीचे मोबाईल कमी किमतीत विक्री करणारी टोळी सक्रीय झाली आहे. नागरीकांनी कोणत्याही अमिषाला बळी पडू नये असे आवाहन जिल्हा पोलीस अधिक्षक संदिप पाटील यांनी केले आहे.
याबाबत पोलीसांनी दिलेली माहिती अशी की, आरोपी काळ्या रंगाच्या बजाज पल्सर क्रमांक एम. एच. 19, सीटी- 5125 वरून संभाजीनगर कोडोली येथील गजानन बॅटरी या दुकानात आला. आम्ही जळगाव येथून कासला फिरण्यासाठी आलो आहोत. माझे सर्व मित्र मला सोडून कासला पुढे गेले आहेत. माझ्या गाडीतील पेट्रोल संपले आहे. माझ्या जवळील सॅमसँग कंपनीचा एसएमजे-7 प्राईम मॉडेल मोबाईल दुकानातील प्रशांत रामचंद्र जगदाळे, वय 35, रा. संभाजीनगर यांना 8 हजार 500 रूपयांना विकला. आपली फसवुणक झाल्याचे लक्षात येताच प्रशांत जगदाळे यांनी सायबर पोलीस ठाण्यात तक्रार दाखल केली.
सायबर पोलीस ठाण्याचे पो. नि. पद्माकर घनवट यांनी आरोपीची तात्काळ माहिती मिळवली. तो वसई, ठाणे येथील असल्याचे निष्पन्न झाले. जिल्हा पोलीस अधिक्षक संदिप पाटील, अप्पन पोलीस अधिक्षक विजय पवार, पो. नि. पद्माकर घनवट, सपोनि. जी. एस. कदम यांच्या मार्गदर्शनानुसार पोलीस नाईक सचिन पवार, अमित झेंडे, अजय जाधव, विक्रांत फडतरे, वर्षा खोचे, रेष्मा चव्हाण, सुशांत कदम, प्रविण अहिरे, मयूर देशमुख, अनिकेत जाधव, निखील जाधव, महिला कर्मचारी ज्योजी कोंडावळे, यशोमती साळुंखे यांनी आरोपीला अटक करण्यासाठी मिळालेल्या माहिती नुसार चिंचोटे फाटा, कोल्ही, वसई जिल्हा पालघर सापळा रचून आरोपीस अटक केली.
