औंध(वार्ताहर):- जायगाव ता.खटाव येथील रस्त्यावर विनापरवाना वाळू वाहतूक करणाऱ्या खटाव येथील ट्रँक्टर मालक ,चालकांंसह चौघांविरोधात औंध पोलीस स्टेशनमध्ये गुन्हा दाखल करण्यात आला असून चार ही आरोपींना अटक करण्यात आली आहे तसेच सुमारे आठ लाख वीस हजाराचा ऐवज जप्त करण्यात आला आहे दरम्यान अटक केलेल्या चार ही संशयित आरोपींना वडूज कोर्टाने तीन दिवसांची पोलीस कोठडी दिली आहे. दरम्यान ऐन कोरोना संसर्गाच्या काळातही मुजोर वाळू व्यावसायिकांकडून बेकायदा वाळू वाहतूक सुरू असल्याबद्दल खटाव तालुक्यातून संताप व्यक्त केला जात आहे.
अटक केलेल्या संशयितांमध्ये ट्रँक्टर मालक शामराव मारुती पाटोळे, राजेश नवनाथ बोरगे , ट्रँक्टर ड्रायव्हर विकास जगन्नाथ पाटोळे वय 28, किरण चंद्रकांत पाटोळे वय 28सर्व रा.खटाव यांचा समावेश आहे.
याबाबत अधिक माहिती अशी, शुक्रवारी दुपारी तीनच्या सुमारास जायगाव ते भोसरे रस्त्यावर खटावकडून जायगावकडे बेकायदेशीरपणे वाळू वाहतूक सुरू असल्याची माहिती औंध पोलीसांना मिळाली.
त्यानंतर चांबारकी नावच्या शिवाराजवळील रस्त्यावरून एचएमटी व न्यू हाँलंड ट्रँक्टर ट्राँलीमधून ही अवैध्य वाळू वाहतूक सुरू असल्याचे पोलीसांनी छापा टाकल्यानंतर आढळून आले.
औंध पोलीसांनी कोणताही मुलाहिजा नबाळगता तात्काळ दोन्ही ट्रँक्टर ट्राँल्या व दोन ब्रास वाळू असा सुमारे आठ लाख अठरा हजार रुपयांचा ऐवज जप्त केला तसेच वरील चारही आरोपींना अटक केली.
ऐन कोरोनाच्या धामधुमीत पोलीसांनी केलेल्या धडक कारवाईमुळे अवैध्यरित्या वाळू वाहतूक करणाऱ्या व्यावसायिकांंचे धाबे दणाणले आहेत.
सदर घटनेची फिर्याद प्रशांत पाटील, कुंडलिक कटरे यांनी औंध पोलीस स्टेशनमध्ये दिली आहे.
वाळू चोरी व पर्यावरण अधिनियमांतर्गत चार ही आरोपींवर गुन्हा दाखल करण्यात आला आहे.
याबाबतचा अधिक सपोनि उत्तम भापकर, पोलीस उपनिरीक्षक स्नेहल सोमदे, प्रदिप गोसावी
पोलीस नाईक प्रशांत पाटील, तुकाराम रसाळ, कुंडलिक कटरे आदी करीत आहेत.
