जळीतग्रस्तांना अनुदान मंजूर

महाबळेश्‍वर ः येथील झोपडपट्ट्ी जळीत ग्रस्तांना महसुल व वन विभागाच्या वतीने प्रत्येकी 4100 इतके सानुग्रह अनुदान मंजुर होवुन ते जळीत ग्रस्तांच्या बॅक खात्यात जमा झाले आहे या मदतीमुळे जळीत ग्रस्तांना दिलासा मिळाला आहे.
व्हॅली व्हयु जवळ असलेल्या झोपडपट्ट्ीस 15 डिसेंबर रोजी अचानक आग लागली या आगीत पाच झोपडया जळुन खाक झाल्या. या आगीत झोपडीमधील संसारोपयोगी साहीत्याचे मोठे नुकसान झाले होते. झोपडपट्ट्ीतील या निराधार लोकांना तातडीची मदत देण्यासाठी अनेक सेवाभावी संस्था पुढे आल्या होत्या परंतु अनेक दिवस शासकिय मदत मिळाली नाही. ही बाब झोपडपट्ट्ी सुरक्षा दलाचे अध्यक्ष भगवानराव वैराट व येथील अध्यक्ष रूषिकेश वायदंडे यांनी प्रयत्न केले त्या प्रयत्नांना यश आले. अलिकडेच या पाच निराधार झोपडपट्ट्ी धारकांना महसुल व वन विभागाच्या वतीने प्रत्येकी चार हजार शंभर रूपये सानुग्रह अनुदान मंजुर झाले आहे. हे अनुदान आत जळीत ग्रस्तांच्या बॅक खात्यात जमा झाले आहे. दरम्यान या जळीत ग्रस्तांना पालिकेनेही सानुग्रह अनुदान दयावे अशी मागणी झोपडपट्ट्ी धारकांनी केली आहे.