पुसेगाव : जिहे-कठापूर उपसा सिंचन योजना, शेती मालाला हमीभाव व वाढती महागाई यासह विविध प्रश्नांविरोधात खटाव तालुका शिवसेनेच्यावतीने मोळ ते वर्धनगड अशी पदयात्रा झाली तर आज वर्धनगड बोगदा येथे ठिय्या आंदोलन झाले.पण प्रशासनाशी बोलणी फिस्कटल्याने शिवसेनेच्या वतीने शुक्रवारी खटाव तालुका बंदची हाक देण्यात आली असून या बःदला कॉग्रेस आणि राष्ट्रवादीच्या पदाधिकारी आणि कार्यकर्त्यांनी जाहीर पाठिंबा दिला.
यावेळी प्रताप जाधव म्हणाले, शिवसेनेची बांधिलकी सत्तेशी नसून जनतेशी आहे. भाजपा सरकारने जिहे-कठापूर उपसा सिंचन योजना पूर्ण करण्याचे सोडून फक्त हा प्रश्ळृ चिगळत ठेवला आहे. आज या आंदोलना विषयी प्रशासन गंभीर नसुन सर्व बोलणी फिस्कटल्याने आता आरपारची लढाई लढण्यासाठी शिवसेना तयार असून शुक्रवारी खटाव तालुका बंद ठेवणार असून नागरीकांनी यात सहभागी व्हावे असे आवाहन प्रताप जधव यांनी केले.
वर्धनगड बोगदा येथिल ठिय्या आंदोलनाला शिवसेना नेते नरेंद्र पटील, राष्ट्रवादी खटाव तालुका अध्यक्ष बाळासाहेब जाधव जि.प.सदस्य प्रदिप विधाते, पंचायत समिती सदस्य संतोष साळंखे, भटक्या विमुक्त सेलचे अशोक जाधव,माजी पंचायत समिती सदस्य मोहनराव जाधव,मानाजी घाडगे,बाळासाहेब इंगळे, राष्ट्रवादी शहर प्रमुख प्रताप जाधव, सेवागिरी देवस्थान विश्वस्त सुरेश जाधव,योगेश देशमुख, ज्ञानेश्वर जगताप, राजेंद्र कचरे आदींनी प्रत्यक्ष भेट देऊन पाठींबा दिला.
