मल्हारपेठ संत तुकाराम विद्यामंदिरात किल्ले बनवा उपक्रमास उत्स्फूर्त प्रतिसाद

मल्हारपेठ : मल्हारपेठ येथील श्री संत तुकाराम विद्यामंदिरात बाल दिनानिमित्त किल्ले बनवा उपक्रमास उत्स्फूर्त प्रतिसाद मिळाला भारताचे पहिले पंतप्रधान पंडित जवाहरलाल नेहरु याना विनम्र अभिवादन शाळेतर्फे करणेत आले तदनंतर घेणेत आलेल्या किल्ले बनवा उपक्रमासही उत्स्फूर्त प्रतिसाद मिळाला शिवरायांच्या इतिहासाचे व पराक्रमाचे विध्यार्थ्यांना सदैव स्मरण व्हावे या हेतूने हा उपक्रम घेणेत आला किल्ले प्रदर्शन चे उदघाटन प्रमुख वक्ते विशाल सूर्यवंशी व पाटण तालुका पत्रकार संघाचे अध्यक्ष विलास माने यांचे हस्ते झाले यावेळी प्राचार्या सौ छायादेवी जगदाळे व्यवस्थापन चे उपाध्यक्ष समीर कदम पत्रकार दादासाहेब पवार योगेश हिरवे यांची प्रमुख उपस्थिती होती या किल्ले प्रदर्शनात मुलामुलींनी बावीस किल्ले प्रतिकृती आकर्षकपणे साकारले होते याप्रसंगी प्रमुख वक्ते विशाल सूर्यवंशी यांचे शिवरायांचा पराक्रम व गड किल्ले यांचे महत्त्व याविषयावर मार्गदर्शन झाले याप्रसंगी विशाल सूर्यवंशी यांनी सांगितले की शिवरायांच्या इतिहासाचे व विचारांचे संकर्मन उद्याच्या पिढीमध्ये होण्यासाठी किल्ले बनवा उपक्रमाने स्फूर्ती व प्रेरणा मिळते विध्यार्थ्यांच्या सर्वांगीण विकासासाठी व कलागुणांना वाव देण्यासाठी संत तुकाराम विद्यामंदिर शाळेने घेतलेला उपक्रम खरोखरच प्रेरणादायी व मार्गदर्शकच आहे शिवरायांचा व त्यांच्या दिलदार मावळ्यांचा पराक्रम व गडा गडा वर प्राप्त केलेला विजय या गोष्टी आजही अंगावर शहारे आणतात व इतिहासाची साक्षच देतात जीवनात यशस्वी होण्यासाठी जिद्द चिकाटी प्रामाणिकपणा वक्तशीरपणा तसेच प्रचंड आत्मविश्वास या बाबी आत्मसात व कृतिशील केल्या पाहिजेत असेही विशाल सुर्यवंशी यांनी सांगितले सिंहगडावरील नरवीर तानाजीचा पराक्रम या त्यांच्या कथेने श्रोत्यांची मने जिंकली यावेळी बाल शाहीर प्रतीक पवार यांनी प्रतापगडावरील पराक्रम हा भारदस्त पोवाडा सादर केला त्यास उत्स्फूर्त प्रतिसाद मिळाला यावेळी पत्रकार दादासाहेब पवार यांनी जाणता राजा शिवछत्रपती ही शिवरायांच्या पराक्रमावरील
स्वरचित कविता उत्कृष्ट पणे सादर केली किल्ले बनवा उपक्रमास स्पर्धकांच्या उत्साहाने अधिकच रंगत आणली या किल्ले बनवा स्पर्धेत सहावी अ मुलांचा किल्ले रायगड व सातवी अ मुलींचा किल्ले सिंधुदुर्ग ला प्रथम क्रमांक पटकावला आठवी अ च्या मुलानी केलेला लोहगड व सहावी अ चा प्रतापगड किल्ल्यास द्वितीय क्रमांक मिळाला तसेच सातवी अ ने साकारलेल्या किल्ले मुरुड जंजीरास तृतीय क्रमांक मिळाला याशिवाय अनेक मुलामुलींनी किल्ले शिवनेरी तोरणा राजगड पन्हाळगड सिंहगड अजिक्यतारा पुरंदर वासोटा विजयदुर्ग अशा विविध गडांच्या प्रतिकृती उत्कृष्ट रित्या साकारल्या होत्या या उपक्रमामुळे शाळेत ऐतिहासिक वातावरण तयार झाले होते शिवरायांचा इतिहास मुलामुलींच्या रोमारोमात दिसत होता नानासाहेब चौगुले यांनी प्रास्ताविक केले प्राचार्या सौ छायादेवी जगदाळे यांनी स्वागत केले श्री देशमुख यांनी आभार मानले श्री कुंभार सुहास मोहिते सौ अनुराधा पानस्कर तसेच सर्व शिक्षक शिक्षिका व सेवक यांनी किल्ले बनवा उपक्रम यशस्वीतेसाठी बहुमोल सहकार्य केले यावेळीं जयदीप चव्हाण सौ शुभांगी पवार सौ रुपाली शेटे आदी मान्यवर उपस्थित होते.