वणवाप्रकरणी संशयितास न्यायालयीन कोठडी

केळघर : वनपरिमंडळ मेढा अंतर्गत असणार्‍या हुमगांव (ता.जावली) फॉ.कं. नं.-280 पार्ट मधील वनक्षेत्रात काल दि.26 रोजी दुपारी 12 -00 वाजता वणवा लागलेला दिसुन आला. वनरक्षक हुमगाव रामचंद्र परधाने व रोजंदारी मजूर यांनी आग विझवली. त्याकामी भारतीय वनअधिनियम, 1927 चे कलम 26(1)(ब)(क) चे उल्लंघण झाले. बाबत वनरक्षक हुमगांव प्र गु रि नं -04/2019 दि. 26.02.2019 अन्वये गुन्हा नोंद केला.
सदर गुन्ह्यातील आरोपी कृष्णा विठोबा मालुसरे याला दि.27/02/2019 रोजी एस.पी. शिंदे वनपाल मेढा यांनी अटक करून मा.प्रथम वर्ग न्यायदंडाधिकारी मेढा येथे हजर केले असता दि.17/03/2019 पर्यंत न्यायालयीन कोठडी सुनावली. उपवनसंरक्षक सातारा डॉ.भारतसिंग हाडा, सहाय्यक वनसंरक्षक सातारा किरण कांबळे, वनपरिक्षेत्र अधिकारी मेढा सचिन डोंबाळे यांचे मार्गदर्शनाखाली श्रीरंग शिंदे, वनपाल मेढा हे पुढील तपास करत आहेत.