गजबजलेली मेढा बाजारपेठ कडक लॉक डाऊनमुळे शांत स्वरुपात ; लॉक डाऊनचा फायदा घेवून जावलीकरांनी “स्वयंशिस्त पाळा आणि कोरोना टाळा “

मेढा ( वार्ताहर ) कोरोना महामारीच्या वाढत्या संक्रमणामुळे प्रशासनाने पुकारलेल्या लॉक डाऊनमुळे ग्राहकांनी गजबजलेली मेढा नगरी शांत स्वरुपात पहावयास मिळाली.
नेहमीच ग्राहकांनी भरलेली बाजारपेठ पाहण्याचे भाग्य मेढ्यातील नागरीकांना पहावयास मिळत आहे. परंतु जिल्ह्यात कोरोनाचा वाढता प्रभाव पाहता जिल्हाधिकारी सो शेखर सिंह यांनी दिलेल्या आदेशाचे योग्य ते पालन मेढा आणि पंचक्रोशीतील नागरीक प्रामाणिकपणे व काटेकोरपणे करीत आहेत. या लॉक डाऊन काळात काही सुविधा बंद करण्यात आल्या असून याचा फायदा नागरीकांना होत आहे परंतु जर जावलीकरांनी आता स्वयंशिस्त पाळली नाही तर याचा तोटा ही राहणार असून ” स्वयंशिस्त पाळा आणि कोरोना टाळा ” अशी चर्चा नागरीकांतून दबक्या आवाजात सुरू आहे.
या कडक लॉक डाऊन काळात मेढा आणि परिसरात असणारे कोरोना रुग्ण यांची संख्या लक्षात घेता जावलीचे तहसिलदार सो, पंचायत समिती अधिकारी, मेढा येथील आरोग्य विभाग अधिकारी, मेढा पोलिस अधिकारी, नगरपंचायत अधिकारी व सर्व सहा. कर्मचारी यांनी कंबर कसली असून कोरोनाला हद्दपार करण्याचा विडा अधिकारी वर्गानी उचलला आहे.