सातार्‍यात 1995 ची पुनरावृत्ती करून महायुतीचा खासदार करा ः नरेंद्र पाटील

कोरेगाव ः टिव्ही चॅनेलवर विकासासाठी बोलले पाहिजे, प्रश्‍न मांडले पाहिजेत. मात्र विद्यमान खासदार कॉलर उडवून गाणी म्हणून जनतेची करमणूक करत आहेत. यापुढे त्यांना आता जनतेचीच करमणूकच करावी. मला जनतेने खासदार करून लोकसवा करण्याची संधी द्यावी. 1995 ची पुनरावृत्ती करून महायुतीचा खासदार निवडून द्या, असे आवाहन शिवसेना, भारतीय जनता पार्टी, रिपाई व मित्रपक्ष महायुतीचे उमेदवार ना. नरेंद्र पाटील यांनी केले
खेड, ता. कोरेगाव येथे प्रचारार्थ आयोजित सभेत ते बोलत होते. यावेळी भाजपचे नेते महेश शिंदे, जिल्हाप्रमुख चंद्रकांत जाधव, हणमंतराव चवरे, एकनाथ सकपाळ, दत्ता नलवडे, रमेश बोराटे, बाळासाहेब शिंदे, निलेश मोरे, संजय गायकवाड, प्रतिक शेडगे, नितिन केंगार, दादासाहेब सुपेकर, संदीप निकम, सचिन निकम, संजय काटकर, प्रभाकर साबळे, मधुनाना नलवडे, मिलिद काकडे, उपसरपचं राजू इंगळे, अनिल बापू, बाळू मिस्त्री, कृष्णात शेलार, बाळू निकम, संतोष निकम, संजय निकम, संजय काटकर, किरण काटकर रमेश निकम, प्रदीप निकम, दत्तात्रय निकम , यांच्यासह जाब, त्रिपुरी,भिवंडी, माहुली, सोनगाव, महागाव येथील ग्रामस्थ मोठ्या संख्येने उपस्थित होते.
ना. नरेंद्र पाटील म्हणाले, विद्यमान खासदारांना औद्योगिक वसाहतीचा खेळखंडोबा केला आहे. यामुळे सातारा जिल्ह्याचा विकास होण्याच्या दृष्टीने औद्योगिक वसाहत वाढवून मोठे मोठे कारखानदार परत आपल्या जिल्ह्यात आणू शकतो. कारखाने उभारले तर तरुणांना दुसर्‍या जिल्ह्यामध्ये रोजगारासाठी जावणे लागणार नाही. त्यांना येथेच राजेगार मिळाल्याने ते आर्थिकदृष्टा सक्षम होतील. तसेच महाबळेश्‍वर, पाचगणी, कास भागात पर्यटनाला चालना देणार आहे. यामाध्यमातून रोजगार निर्मिती होईल. खासदार उदयनराजे भोसले यांना स्वतःच्या मतदारसंघात फिरायला वेळ नाही, जनतेचे प्रश्‍न सोडवण्यासाठी वेळ नाही. ते ग्रामीण भागात पोहाचलेही नाहीत. ज्या जनतनेे त्यांना मतदाने केले त्यांना ते विसरले आहेत. मी तुम्हाला वेळ देऊ शकतो, तुमचा फोन घेऊ शकतो, मी शुध्दीत बोलू शकतो, मी तुमच्या तालुक्यामध्ये येऊ शकतो, आठवड्यातून पंधरा दिवसांतून एक दिवस तालुक्याच्या मध्यभागी येऊन लोकांचे जनतचेे प्रश्‍न समजून घेऊन त्याबाबत संसदेमध्ये बोलू शकतो. मी विधानपरिषदेमध्ये काम केले आहे. माझी हजेरी आणि मार्गी लावलेले प्रश्‍नही बघू शकतो. दुष्काळग्रस्त भागातील शेतकर्‍यांना जिल्ह्यातील धरणाचे पाणी शंभर टक्के देणार असून दुसर्‍याला जिल्ह्याला पाणी जाऊ देणार नाही. आपल्या जिल्ह्यातील भाजी कोकणात नेण्यासाठी व कोकणातील मासे आपल्या जिल्ह्यात आणण्यासाठी कराड-चिपळूण रेल्वे मार्ग लवकर सुरू करण्यासाठीचा पाठपुरावा करणार आहे. केंद्रामध्ये पंतप्रधान नरेंद्र मोदी व राज्यात देवेंद्र फडणवीस असल्यामुळेच जिल्ह्याचा विकास शक्य आहे. यामुळेच या जिल्ह्यात नरेंद्र पाटील निवडून येणे गरजेचे आहे, असेही ते म्हणाले. माथाडींची चळवळ निर्माण करून यामध्ये सच्च्या कार्यकर्त्याप्रमाणे मी सहभागी होऊन मुख्यमंत्र्यापर्यंत समस्या मांडल्या. मुख्यमंत्री देवेंद्र फडणवीस यांनी माथाडींना कधी वार्‍यांवर सोडले नाही. विरोधक जनतेची दिशाभूल करत आहेत. आमदार शिवेंद्रसिंहराजे भोसले यांचे व माझे मैत्रीचे संबंध सर्वांना माहित आहे. आमच्या मैत्रीचा बाकींच्याना नक्कीच त्रास होत आहे. यामुळे आम्ही खालेल्या मिसळीचा ठसका विरोधकांना लागत आहे.
महेश शिंदे म्हणाले, आम्ही कोणाच्या भुलथापना, दहशतीला भिक घालणार नाही. दहशतीला घाबरण्याचे कारण नाही. दहशत मोडित काढण्यासाठी टोल धाक बंद करा, असा इशारा देत त्यांनी राष्ट्रवादी काँग्रेसवर जोरदर टिका केली. भारतीय जनता पार्टीने सातारा जिल्ह्यातील राष्ट्रवादीच्या गुंडांना तडपार करून टाकलाय आहे. जिल्हा दहशत मुक्त करून विकासाच्या दृष्टीने पुढे नेण्यासाठी महायुतीचे उमेदवार ना. नरेंद्र पाटील यांना प्रचंड बहुमताने निवडून देण्याचे आवाहन त्यांनी केले.
टोलच्या मागे झोल सुरू
सातारा जिल्ह्यातील टोलच्या मागे झोल सुरू आहे. टोलच्या माध्यमातून गरिबांना, सामान्यांना लुटण्याचे काम सुरू आहे. टोल चाविण्यासाठी ह्यांचीच माणसे असल्याने ह्यांचा खर्च टोलमधून निघत आहे. याची चौकशी केली तर नक्की यामागचे चित्र स्पष्ट होईल. यामुळे मी जिल्हा टोलमुक्त करणार असल्याचे आश्‍वासन देत आहे.