ताथवडा घाटात लूटमारीचा प्रयत्न

औंध: औंध येथील बोलेरो गाडी ताथवडा घाटात अडवून लुटमारी करण्याचा प्रयत्न करण्यात आला. मात्र ड्रायव्हरच्या जागृकतेमुळे मोठा अनर्थ टळला.
याबाबत मिळालेली अधिक माहिती अशी, औंध येथील प्रा.विजय शिंदे हे कुटुंबियांसह तरडगाव याठिकाणी गेले होते.
यावेळी तेथील काम आटोपून ते रात्री साडे सातच्या सुमारास बोलेरो गाडी क्रमांक एम एच 11बी.व्ही 2042मधून कुटुंबिंयासह परतत असताना गाडी ताथवडा घाटाच्या मध्यावर आली असताना तीन दुचाकीवरून आलेल्या नऊ जणांनी गाडीच्या पुढील बाजूवर दगड मारून काच फौडली व दुचाकी गाडया आडव्या मारण्याचा प्रयत्न करण्यात आला. मात्र गाडी ड्रायव्हर विशाल अभंग याच्या धाडसामुळे व धैर्यामुळे बोलेरो गाडी नथांबवता ते घाट पार करून वर आले.
यावेळी गाडीमध्ये ड्रायव्हरसह पाच जण होते. त्यांच्या जवळ सात ते आठ तोळे सोने होते तसेच काही रोकड रक्कम होती. मात्र ड्रायव्हर व प्रा.विजय शिंदे यांनी तातडीने या घटनेची माहिती पुसेगाव व फलटण पोलीस स्टेशनला देण्यात आली होती तसेच घाटातून खाली जाणार्‍या प्रवाशांना ही याबाबत जागृत केले. दरम्यान काच फुटल्यामुळे ड्रायव्हर विशाल अभंग जखमी झाले आहेत.
दरम्यान या घटनेमुळे प्रवासी वर्गात भितीचे वातावरण पसरले आहे रात्री सात ते सकाळी सहा यावेळेत याठिकाणी पोलीस पेट्रोलिंग सुरू करण्याची मागणी केली जात आहे.