सिद्धिविनायक इंग्लिश मिडीयम स्कूलचे क्रीडा स्पर्धेत उज्ज्वल यश

मल्हारपेठ: उरूलच्या सिद्धिविनायक इंग्लिश मिडीयम स्कूलच्या विद्यार्थ्यांनी विविध क्रीडा स्पर्धा मध्ये उज्ज्वल यश प्राप्त केले. सातारा जिल्हा क्रीडा विभागातर्फे घेतलेल्या स्पर्धेत हे यश प्राप्त केले.
वैष्णवी देसाई व श्रावणी फडतरे यांनी जिल्हास्तरीय कॅरम स्पर्धेत उज्ज्वल यश प्राप्त केले. त्यांची विभागीय स्पर्धेसाठी निवड झाली आहे. बुद्धिबळ स्पर्धेत शेजल भोसले व श्वेता शेडगे व कादंबरी निकम यांनी तालुका स्तरावर यश मिळविले व त्यांची जिल्हा स्तरावर निवड झाली आहे.
कराटे स्पर्धेत अफटाब मुलानी याचीही जिल्हास्तरावर निवड झाली आहे. सर्व यशस्वी खेळाडूंना क्रीडा शिक्षक रंजना नांगरे व सुमित सर्गडे यांचे बहुमोल मार्गदर्शन लाभले. संस्था चालक निवास निकम, मुख्याध्यापिका अरुणा सदाफुलें उपमुख्याध्यापिका सुवर्णा निकम, सर्व शिक्षक, पालक, ग्रामस्थ यांनी यशस्वी खेळाडूंचे हार्दिक अभिनंदन केले आहे.