मल्हारपेठ: येथील श्री संत तुकाराम विद्यामंदिरच्या शालेय विज्ञान प्रदर्शन व विविध स्पर्धाना उत्स्फूर्त प्रतिसाद मिळाला. विद्यार्थ्यांच्या कलाकृतीला व चिकिस्तक बुद्धीला चालना मिळावी व त्यांना व्यासपीठ वाव मिळावा या उद्देशानेच या दोन दिवसीय विशेष उपक्रमाचे आयोजन केले होते. त्यास उत्स्फूर्त प्रतिसाद मिळाला.
विज्ञान प्रदर्शनात 99 उपकरणे मांडली होती तसेच हस्तकला पाककलामध्ये ही सुमारे 300 प्रकार होते. या उपक्रमाचे उदघाटन समीर कदम, योगेश हिरवे, दादासाहेब पवार, हणमंत शिबे व प्राचार्या छायादेवी जगदाळे यांनी केले.
विज्ञान प्रदर्शनात लहान गटात अमृता वाघ हिच्या हायड्रोपोनिक्स शेती कृतीला प्रथम क्रमांक मिळाला.वेध चव्हाणच्या पवनऊर्जा प्रकल्प तसेच आयमान नदाफच्या डिजिटल सिटी ऑफ इंडियाला द्वितीय व तृतीय क्रमांक मिळाला ओंकार पवार सोहंम पानस्कर यांचा सौरऊर्जा व पवन ऊर्जा ला तसेच वेदांत चव्हाण शुभम माने यांच्या एयर गन ला उत्ते जनार्थ क्रमांक मिळाला.
मोठ्या गटात अवधूत शेटे, अमन बोडके, प्रवीण पाटील, ओम माने यांनीही उज्ज्वल यश प्राप्त केले. यावेळी घेतलेल्या वक्तृत्व स्पर्धानाही उत्स्फूर्त प्रतिसाद मिळाला. लहान गटात श्रुष्टी विभूते, ऋतुजा यादव, स्नेहल पानस्कर तसेच मोठ्या गटात प्राजक्ता माळी, प्रणाली निपाद व अनुराधा कुंभार यांनी उज्ज्वल यश प्राप्त केले.
कार्यानुभव व हस्तकलामध्ये तेजस्विनी कदम, आयमान नदाफ, सानिया जावीर, स्नेहा पवार, वैष्णवी कदम, ऋतुजा पानस्कर, ऋतुजा यादव, निशांत पोळ, अमृता वाघ व भूमी जैन यांनी सादर केलेल्या हस्त कला कृतींना उज्ज्वल यश मिळविले. यावेळी घेतलेल्या पाककला कलाकृती उपक्रमासही उत्स्फूर्त प्रतिसाद मिळाला. लहान गटात नम्रता मोरेच्या पौष्टिक कचोरी चा प्रथम क्रमांक आला. तेजस्विनी कदमच्या मेथीचा ठेचास द्वितीय क्रमांक मिळला तसेंच श्रुती चव्हाण, प्रीती चव्हाण, तेजल भागवत, अंजली पंडित, साक्षी साळुंखे, ऋतुजा यादव, प्रणाली माळी, तनिष्का विभूते, वैष्णवी कदम, भक्ती थोरात, आसिन मुलानी यांनी यश मिळवले.
मोठ्या गटातील पाककला स्पर्धेत साक्षी चव्हाण हर्षवर्धन शिंदे, ओमकार शिंदे, सानिका पानस्कर, अस्मिता भिसे, साक्षी ताठे, साक्षी साळुंखे, स्नेहा पवार, सरस्वती केवत व राणी कदम यांनी उज्ज्वल यश मिळवले. श्री संत तुकाराम विद्यामंदिरच्या दोन दिवस घेतलेल्या विज्ञान प्रदर्शन व विविध स्पर्धाना उत्स्फूर्त प्रतिसाद मिळाला. विद्यामंदिरातील प्राचार्या छायादेवी जगदाळे, नानासाहेब चौगुले यांच्यासह सर्वच शिक्षकांनी परीक्षण व संयोजनास उत्तम सहकार्य दिले. उपक्रम यशस्वी करण्यासाठी सर्वांचेच बहुमोल सहकार्य लाभले. विज्ञान प्रदर्शन व सर्व उपक्रम पाहण्यासाठी मल्हारपेठ मंदृल हवेली दिनडुकलेवादी, गिरेवाडी तसेच परिसरातील अनेक जिल्हा परिषद प्राथमिक शाळाच्या विद्यार्थी तसेच शिक्षक, पालक, ग्रामस्थ उपस्थित होते. संत तुकाराम विद्यामंदिरच्या या प्रेरणादायी उपक्रमाचे सर्वत्र कौतुक होत आहे.
