कराडला आजपासून दोन दिवशीय राज्यस्तरीय पत्रकार संमेलन

कराड : ऑल जर्नालिस्ट अ‍ॅण्ड फे्रंडस् सर्कलचे 14 वे राज्यस्तरीय पत्रकार संमेलन रविवार दि.24 व सोमवारी दि.25 नोव्हेंबर रोजी येथील दि.कराड अर्बन बँकेच्या शताब्दी महोत्सव हॉल येथे आयोजित करण्यात आले आहे. या संमेलनास महाराष्ट्राच्या कानाकोपर्‍यातून पत्रकार मोठ्या संख्येने सहभागी होणार आहेत.
आधुनिक महाराष्ट्राचे शिल्पकार स्व.यशवंतराव चव्हाण यांच्या पुण्यतिथीचे औचित्य साधुन ऑल जर्नालिस्ट अ‍ॅण्ड फ्रेंडस् सर्कलने कराड येथे 14 वे राज्यस्तरीय पत्रकार संमेलन भरवले आहे. या संमेलनाचे स्वागताध्यक्ष महाराष्ट्र राज्य सहकार परिषदेचे अध्यक्ष शेखर चरेगांवकर हे आहेत. तर संमेलनाध्यक्ष म्हणून रॉयटर्सचे ज्येष्ठ पत्रकार, स्तंभ लेखक सुनिल तांबे यांची निवड करण्यात आली आहे. या दोन दिवशीय राज्यस्तरीय पत्रकार संमेलनात पत्रकारांसाठी विविध परिसंवादाचे आयोजन करण्यात आले आहे. ज्येष्ठ पत्रकारांसह अनुभवी पत्रकारांचे या संमेलनास मार्गदर्शन होणार आहे. रविवार दि.24 रोजी दुपारी 3 वाजता या संमेलनाचे मान्यवरांच्या हस्ते उद्घाटन होणार आहे. त्यानंतर सायंकाळी 5 वाजता ज्येष्ठ मुलाखतकार सुधिर गाडगीळ हे ना.शेखर चरेगावकर यांची प्रकट मुलाखत घेणार आहेत. तर सायंकाळी 9.30 वाजता पद्मनाथ गायकवाड यांचा सुगम संगिताचा सांस्कृतिक कार्यक्रम होणार आहे.
सोमवार दि.25 रोजी सकाळच्या सत्रात ङ्गपत्रकारिता आणि राजकारणफ, ङ्गपत्रकारिता राज्यकर्त्यांच्या प्रभावाखाली येत आहे का?फ,ङ्घसमाजाच्या जडणघडणीत पत्रकारितेचे महत्वफ या विषयांवर परिसंवाद होणार आहे. पत्रकारिता राज्यकर्त्यांच्या प्रभावाखाली येत आहे का? या परिसंवादास सातारा जिल्ह्यातील ज्येष्ठ आणि अनुभवी पत्रकार सहभागी होणार असुन या परिसंवादाचे अध्यक्षस्थान ज्येष्ठ पत्रकार प्रा.अशोक चव्हाण हे भुषविणार आहेत. या संमेनास पत्रकारांनी मोठ्या संख्येने उपस्थित रहावे असे आवाहन जिल्हाध्यक्ष अजिंक्य गोवेकर व केंद्रीय उपाध्यक्ष अतुल होनकळसे यांनी केले आहे.
जिल्ह्यातील तीन जणांना पुरस्कार जाहीर
आधुनिक महाराष्ट्राचे शिल्पकार स्व.यशवंतराव चव्हाण यांच्या पुण्यतिथीचे औचित्य साधुन एजीएफसी या राष्ट्रीय संघटनेचे 14 वे राज्यस्तरीय पत्रकार संमेलन प्रथमच कराड नगरीत होत आहे. या संमेलनात महाराष्ट्रातील दिग्गज पत्रकारांना सामाजिक व पत्रकारीता पुरस्कारांचे वितरण सोमवार दि.25 रोजी समारोप समारंभात मान्यवरांच्या हस्ते वितरण होणार आहे. यामध्ये सातारा जिल्ह्यातील दैनिक प्रीतिसंगमचे संपादक शशिकांत पाटील, दैनिक कर्मयोगीचे कार्यकारी संपादक खंडू इंगळे व झी चौवीस तासचे जिल्हा प्रतिनिधी तुषार तपासे यांना पत्रकारिता प्रेरणा पुरस्कार जाहीर करण्यात आला असून त्यांना या पुरस्काराचे वितरण यावेळी मान्यवरांच्या हस्ते करण्यात येणार आहे