ज्ञानोजीराव साळुंखे हायस्कूलमध्ये मेळावा; विद्यार्थ्यांच्या सन्मानाने शिक्षक भारावले
कराड: इयत्ता 10 वी पर्यंतचे शिक्षण हा प्रत्येकाच्या आयुष्यातील एक महत्वाचा टप्पा त्यानंतर प्रत्येकाच्या करीअरच्या दिशा वेगवेगळया राहतात. नवे मित्र, नवे सोबती यात तो मग्न रहातो. वायाच्या 40 शी नंतर एका टप्प्यावर त्याला मागे वळून पहावे वाटते. जुने मित्र-मैत्रिणी आठवायला लागतात. त्यातूनच पाटणला कै. ज्ञानोजीराव साळुंखे हायस्कूलमध्ये माजी विद्यार्थ्यांचा स्नेहमेळावा नुकताच झाला. तब्बल 28 वर्षांनी अनेकजण एकमेकांना भेटले त्यावेळी त्यांच्या चेहजयावरून आनंद ओसंडून वाहत होता.
पाटण ही शिक्षमहर्षी डॉ. बापूजी साळुंखे यांची जन्मभूमी कर्मभूमी ! त्यांच्या वडिलांच्या नावाने येथे दिवंगत ज्ञानोजीराव साळुंखे हायस्कूल सुरू आहे. या विद्यालयात सन 1990-91 मध्ये इयत्ता 10 वीचे शिक्षण घेतलेल्या माजी विद्यार्थ्यांचा स्नेह मेळावा नुकताच पार पडला. तब्बल 28 वर्षांनी अनेक माजी विद्यार्थी एकमेकांना भेटले.
मेळाव्याच्या अध्यक्षस्थानी ए वाय मुल्ला होते. तर विद्यालयाच्या प्रभारी मुख्याध्यापिका कांचन सुतार यांची प्रमुख उपस्थिती होती. यावेळी एच.एन. सावंत, एस. डी. पाटील, एस.टी. सुकरे, एस. आर. चौगुले,के जे ढवळे, पी पी मोरे,के पी गायकवाड, ए.आर. निकम आदी सेवानिवृत्त शिक्षक उपस्थित होते.
यावेळी अनेक विद्यार्थी अन् सेवानिवृत्त शिक्षकांनी मनोगते व्यक्त केली. विद्यार्थ्यांच्या हस्ते शिक्षकांचा शाल, श्रीफळ, मानपत्र व भेटवस्तू देवून सन्मान करण्यात आला.
कार्यक्रमाचे प्रास्ताविक अमर पाटील यांनी केले. सतिश रणदिवे यांनी आभार मानले. प्रमोद सुकरे यांनी सुत्रसंचालन केले. कार्यक्रमाच्या यशस्वीतेसाठी दिपक गरूड, रविंद्र सुकरे, संदिप पाटील, कुंडलिक कवर, विद्या गरूड, स्मिता पाटील, सुनिता देशमुख, अरुण सातुसे ,दत्तात्रय माने ,संदीप शिर्के, विनोद डुबल, सुनील नायकवडी, राहूल शेडगे, राजेंद्र गायकवाड, सुनील किरपेकर,विवेक पोतदार, प्रकाश सुतार आदिंनी परिश्रम घेतले.
पाटणला 28 वर्षांनी भेटले माजी विद्यार्थी !
RELATED ARTICLES

