हरवलेली दोन वर्षांची सानिया पाच तासात मायेच्या पंखाखाली

म्हसवड: म्हसवड पोलिस ठाण्याचे ट्रॅफिक पोलीस संतोष बागल यांनी माणुसकीचे दर्शन घडवले असून दोन वर्षांच्या हरविलेल्या सानियाला पाच तास तपास करून तिच्या आई-वडिलांचा शोध घेऊन सपोनि गणेश वाघमोडे साहेब यांचे हस्ते ताब्यात दिली असून, खाकी वर्दीने माणुसकीचे दर्शन घडवल्याने बागल यांच्यावर कौतुकाचा वर्षाव होत आहे.
याबाबत पोलिस ठाण्यातून मिळालेली अधिक माहिती अशी आज दुपारी एक वाजण्याच्या सुमारास म्हसवड एस.टी.बसस्थानकात एक दोन वर्षांची मुलगी रडत आहे.तिला तिची आई बसस्थानकासमोर सोडून गेली आहे, अशी माहिती कॉलेजच्या मुलीकडून म्हसवड पोलिस ठाण्यातील कर्तव्यदक्ष ट्रॅफिक पोलीस संतोष बागल यांना समजली असता बागल यांनी तातडीने पोलिस मित्र सुमित बोडरे, सचिन बोडरे, होमगार्ड नवनाथ वनवे, तुषार खांडेकर, यांना बरोबर घेऊन सपोनि गणेश वाघमोडे यांना या बाबत माहिती देऊन बसस्थानकातून दोन वर्षांच्या चिमुरडीस ताब्यात घेतले, ती चिमुरडी घाबरली होती. तिची चौकशी केली असता ती सानी नाव सांगत होती. व रडून मला आईकडे जायचे आहे. अशी म्हणत होती.
संतोष बागल यांना या मुलीची केविलवाणी स्थिती पाहून स्वताच्या मुलीचा चेहरा आठवल्याने त्यांनी त्या लहानग्या जिवाला पाच तास आपल्या अंगा खांद्यावर घेऊन तिला खाऊ देत संपुर्ण म्हसवड शहारात तिच्या आई वडिलांचा तपास घेत होते परंतू कुठेच ठावठिकाणा लागत नव्हता.
सोशल मिडियावर मुलीचा फोटो वायरल केला होता.बसस्थानक मधून दर दहा मिनिटांनी सदर हरवलेल्या मुली बाबत स्पीकरवरून पुकारत होते. सोशलमिडियावरून ही अनेक जण शोध घेत होते. तर मुलगी मला आई कडे जायचे आहे. आई व बाबांचे भांडण झालं आहे. असं म्हणत रडत होती ती रडत आहे. तिच्या आई वडिलांचा तपास लागत नाही. या विवंचनेने नेहमीच खाकी वर्दीला कठोर संबोधले जाते, त्यांना दयामया नसते अशी नेहमीच वल्गना केली जाते असे म्हणतात परंतू संतोष बागल यांनी माणुसकीचे दर्शन घडवले दोन वर्षाची कोवळी सानी मला आईकडे जायचे आहे. पाच तास आईची व मुलीची ताठातूठ झाली आहे. या लहानगीच्या रडण्याने बागल यांना आपले अश्रू आवरता आले नाहित. मात्र त्यांनी मुलीला कडेवर घेऊन तपास चालूच ठेवला होता. अखेर त्यांना मुलीच्या आई वडिलाना शोधून काढण्यात यश आले. व तब्बल पाच तासानी मुलीची व तिच्या आई वडिलांची भेट झाली या वेळी मुलगी व आईच्या चेहर्यावरचा आनंद गगणात मावत नव्हता, आई वडिलांच्या डोळ्यातून अश्रूधारा वाहात होत्या.
म्हसवड येथील फुलेनगर येथे गरिब कुटुंबातील दाम्पत्य सौ.पुजा व निलेश बेंद्रे यांची कु.सानिया ही चतुर्थ कन्या असून आई पुजा घरकाम करते आज ती आपली मोठी मुलगी देवश्री हिस शाळेत सोडण्यासाठी गेली होती या वेळी सानिया ही पाठीमागून आली होती ते आई पुज्याच्या लक्षात आले नाही. सध्या सिध्दनाथ यात्रा 27रोजी असल्याने एस.टी.स्टॅन्ड परिसरात गर्दी आहे. या गर्दीत सानिया हरवली व ती स्टॅन्ड मध्ये गेली तिथे असलेल्या कॉलेजच्या मुलीच्या लक्षात आल्याने त्यांनी तातडीने ही घटना पोलिस ठाण्यात कळवली व त्या मुळे सानियाचा तपास करण्यात बागल यांना यश आले.
चिमुकल्या सानिया हिस म्हसवड पोलिस ठाण्याचे सपोनि गणेश वाघमोडे यांचे हस्ते ट्रॅफिक पोलीस संतोष बागल यांच्या उपस्थितीत आई वडिल व चुलते यांचे कडे सोपविण्यात आली या आई वडिल व सानिया यांच्या चेहर्यावरील आनंद ओसांडून वाहात होता.तर संतोष बागल यांच्या या कामगिरीचे कौतुक जिल्हा पोलिस प्रमुख मा तेजस्वीनी सातपुते, उपविभागीय पोलीस अधिकारी अनिल वडनेरे बी.बी.महामुनी, सपोनि गणेश वाघमोडे, माण तालुका मराठी पत्रकार संघटनेचे संस्थापक अध्यक्ष पोपट बनसोडे-पाटील आदि मान्यवरांनी केले