(शंकर मोहिते)
पाटण: गेल्या दोन दिवसापासून सुरू झालेल्या पाऊसात शनिवारी सायंकाळी निवडणूक प्रचाराच्या तोफा थंडावल्या असल्या तरी निवडणुकीसाठी शासकीय यंत्रणा मात्र भर पाऊसात सज्ज झाल्याचे चित्र दिसत आहे. शनिवारी सकाळ पासून पाटण परिसरात पाऊसाचा जोर वाढला असताना अशा पाऊसात मतदानासाठी झालेल्या तयारीत शासकीय यंत्रणेची मात्र तारांबळा उडाली. येथील बाळासाहेब देसाई महाविद्यालयाच्या मैदानावर 261 पाटण विधानसभा व 45 सातारा लोकसभा पोटनिवडणुकीसाठी शासकीय यंत्रणेची जय्यत तयारी सुरु असताना यासाठी उभा केलेला मंडप पाऊसाने अनेक ठिकाणी पडला तर मैदानावर सगळीकडे चिखल झाला. वाहतुकीची मोठ्या प्रमाणात कोंडी झाली. अशा परस्थितीत व भर पाऊसात निवडणूक कर्मचारी, अधिकारी आपले कर्तव्य बजावताना दिसत होते.
261 पाटण विधानसभा मतदार संघासाठी व 45 सातारा लोकसभा पोटनिवडणुकीच्या मतदार संघासाठी संपूर्ण तयारी झाली असून सोमवार दि.21 रोजी होणार्‍या 397 मतदान केंद्रासाठी सरासरी 3 हजार कर्मचार्‍यांची नियुक्ती करण्यात आली आहे. तर 150 जीपसह विविध गाड्या, 4 ट्रक, 44 एसटी बस असे एकूण 198 वाहने उपलब्ध करण्यात आली आहेत. मतदान करताना मतदाराला छायाचित्र असणारे 11 पुरावे ग्राह्य धरले जाणार आहेत. तर मतदान केंद्रात दोन मतदान यंत्र ठेवण्यात येणार असून एक यंत्र लोकसभा निवडणुकीसाठी असेल तर दुसरे विधानसभा निवडणुकीसाठी असणार आहे. जनतेने निवडणूक प्रक्रिया पूर्ण करण्यासाठी प्रशासकीय यंत्रणेला सहकार्य करावे. निवडणूक कालावधीत एखाद्या कर्मचार्‍याने हलगर्जीपणा केला अथवा आचार संहितेचा कोणी भंग केल्यास त्याच्यावर कडक कारवाई केली जाईल. तसेच पाटण विधानसभा व सातारा लोकसभा पोटनिवडणुकीचा निकाल गुरवार दि.- 24 रोजी सातारा येथे सकाळी 8 वा. पासून सुरू होणार आहे. असे निवडणूक निर्णय अधिकारी तथा प्रांताधिकारी श्रीरंग तांबे यांनी सांगितले.
या निवडणुकीच्या मतदान प्रक्रियेसाठी 10 भरारी पथके, 4 स्थिर (तळमावले, निसरे, कोयनानगर, तारळे), व्हिडीओ सर्विलन्स 3, व्हिडीओ व्हीव्ही टीम 1 अशा एकूण 18 पथकांची नेमणूक केली आहे. मतदान यंत्रे व कर्मचार्‍यांना मतदान केंद्रापर्यंत पोहोचविण्यासाठी 150 जीपसह विविध गाड्या, 4 ट्रक, 44 एसटी बस असे एकूण 198 वाहने उपलब्ध करण्यात आली आहेत. अपंग मतदारांसाठी 90 ऍटोरिक्षांची सोय करण्यात आली असून 221 व्हिल चेअरची सोय केली आहे. तसेच येथील बाळासाहेब देसाई महाविद्यालयात मतदान यंत्र वाटप व स्विकारण्यासाठी एकूण 27 टेबल ठेवण्यात आले असून त्यासाठी 135 कर्मचार्‍यांची नियुक्ती करण्यात आली आहे.
45 लोकसभा मतदारसंघातील 398 मतदान केंद्रांपैकी 10 टक्के प्रमाणे सुमारे 40 मतदान केंद्रांवर ऑनलॉईन यंत्रणा बसविण्यात आली असून त्यामार्फत प्रत्यक्षपणे नियंत्रण ठेवता येणार आहे. तसेच ईव्हीएम मशिन वाहतूक करणार्‍या वाहनांवर जीपीएस बसविण्यात येणार आहे. मतदान करताना मतदाराला 11 छायाचित्र असणारे पुरावे ग्राह्य धरले जाणार आहेत. यामध्ये पासपोर्ट, ड्रायव्हींग लायसन्स, शासनाचे कार्ड, बँक पासबूक, पॅनकार्ड, आधारकार्ड, स्मार्ट कार्ड, मनेरेगा (रोजगार) कार्ड, हेल्थ कार्ड, इन्श्युरन्स कार्ड, पेन्शन कार्ड या ओळखीच्या पुराव्यांचा समावेश असल्याची माहिती देवून निवडणूक कालावधीत एखाद्या कर्मचार्‍याने हलगर्जीपणा केला अथवा आचार संहितेचा कोणी भंग केल्यास त्याच्यावर कडक कारवाई केली जाईल.45 सातारा लोकसभा पोट निवडणुकीसाठी मतदासंघ आणि 261 पाटण विधानसभा मतदारसंघात एकूण 398 मतदान केंद्रे आहेत. यामध्ये कराड तालुक्यातील (394 अ) पाडळी केसे या सहाय्यक मतदान केंद्रांचा समावेश आहे. मतदारसंघात 1 लाख 50 हजार 306 पुरूष मतदार आणि 1 लाख 47 हजार 774 महिला व तृतीयपंथी 1 मतदार असे एकूण 2 लाख 97 हजार 781 मतदार आहेत. त्यापैकी 1 हजार 484 दिव्यांग मतदार आहेत. नवीन वाढीनुसार सरासरी 3 लाख मतदारांची संख्या पाटण विधानसभा मतदार संघात आहे.
