फलटण: महाराष्ट्र साहित्य परिषद फलटण शाखेचे कार्यवाह प्रा.विक्रम आपटे यांची महाराष्ट्र साहित्य परिषद, पुणेच्यावतीने ग्रंथ निवड समितीवर परिक्षक म्हणून निवड करण्यात आली आहे.
मसाप पुणेच्यावतीने प्रतीवर्षी वार्षिक ग्रंथ पुरस्कारांचे वितरण करण्यात येते. विविध वाड्.मय प्रकारातील ग्रंथांना पारितोषिके देऊन गौरवण्यात येत असते. यातील पुष्पा दिनकरराव शिरोळे पारितोषिक (आहार/आरोग्य/अध्यात्म) या पारितोषिकासाठी परीक्षक म्हणून प्रा.आपटे यांची निवड करण्यात आली आहे. प्रा.आपटे यांचा साहित्यातला व्यासंग आणि रुची लक्षात घेऊन या ग्रंथनिवडीच्या कामात परीक्षक म्हणून त्यांची निवड करण्यात आली असल्याचे मसाप पुणेचे कार्याध्यक्ष प्रा.मिलींद जोशी यांनी कळविले आहे.
पुण्याबाहेरचे परिक्षक नेमण्याची ही पहिलीच वेळ असून यासाठी महाराष्ट्र साहित्य परिषदेचे सातारा जिल्हा प्रतिनिधी रविंद्र बेडकिहाळ यांनी कार्यकारी मंडळात आग्रह धरला होता. त्यानुसार झालेल्या या निवडीबद्दल प्रा.आपटे यांचे मसाप फलटण शाखेच्यावतीने अभिनंदन करण्यात आले.
प्रा.विक्रम आपटे यांची ग्रंथ निवड समितीवर परिक्षकपदी म्हणून निवड
RELATED ARTICLES
- Advertisment -