जब्रेश्वर मंदिरात महाशिवरात्री निमित्त भाविकांना खिचडी वाटप

फलटण: महाराजा प्रतिष्ठान, जब्रेश्वर सामाजिक संस्था व जब्रेश्वर महारूद्र समितीच्या वतीने महाशिवरात्री निमित्त शहरातील पवार गल्ली येथील जागतिक वारसास्थळ म्हणून प्रसिध्द असलेल्या जब्रेश्वर मंदिर येथे महाशिवरात्री निमित्त भाविकांना खिचडी व केळी वाटप करण्यात आले. शहरातील या प्राचीन मंदिरात शीवभक्तांनी मोठ्या रांगा लावत दर्शन घेतले. दरम्यान शहरभरात ठिकठिकाणी शीव मंदीरात महाशिवरात्रीच्या निमित्ताने विविध धार्मिक कार्यक्रमांचे आयोजन करण्यात आले होते.
महाशिवरात्री निमित्त फलटण शहरामधील पवार गल्लीतील प्राचीन जब्रेश्वर मंदीर येथे पहाटे पासुनच दर्शनासाठी भाविकांनी गर्दी केली होती. दर्शनासाठी येणार्‍या भाविकभक्तांना महाराजा प्रतिष्ठान, जब्रेश्वर सामाजिक संस्था व जब्रेश्वर महारूद्र समितीच्या वतीने मोफत खिचडी व केळी वाटप करण्यात आले. दिवसभर दर्शनासाठी येणार्‍या भाविकांना थंड पिण्याच्या पाण्याची सोयही संमंधीतांच्यावतीने करण्यात आली होती. यावेळी फलटण नगरपरिषदेचे आरोग्य सभापती अजय माळवे, अभिजीत बेडके, संजय बाळकृष्ण पवार, पत्रकार किरण बोळे, काकासाहेब खराडे, पंकज पवार, अनिल पवार, संजय शंकर पवार, राहुल पवार, विजय पवार, महाराजा प्रतिष्ठाने अध्यक्ष युवराज पवार, सचिव मंगेश पवार, समीर तांबोळी, शिवम पवार, सुमित पवार, गुड्डू पवार, अशुतोष पवार आदी मान्यवर व संस्थेचे पदाधिकारी उपस्थीत होते रात्री उशीरा पर्यंत भाविकांनी जब्रेश्वर मंदिर येथे मोठ्या रांगा लावत शंभू महादेवाचे दर्शन घेतले. दरम्यान फलटण शहरात इतरत्रही महाशिवरात्री उत्साहात साजरी केली. शहरातील ठिकठिकाणी असणार्या शीव मंदिरातही आज विविध धार्मिक कार्यक्रमांचे आयोजन करण्यात आले होते व प्रत्येक शिवालयात भाविकांनी दर्शनासाठी रांगा लावल्याचे चित्र दिसून येत होते.