बालदिनानिमित्त माहेश्वरी चॅरिटेबल फौंडेशनतर्फे खेळणी वाटप

सातारा: सामाजिक कार्यात नेहमीच पुढे असणारी माहेश्वरी चॅरिटेबल फौंडेशन ही संस्था वर्षभर समाजात वेगवेगळे सामाजिक उपक्रम राबवित असते. बालदिनाचे औचित्य साधून संस्थेने सातारा जिल्हा रुग्णालयामध्ये अनाथ लहान मुलांच्या वॉर्डमध्ये 11 हजार रुपयांची नवीन खेळणी तसेच सर्व लहान मुलांना शिरा वाटप केले.
ही खेळणी जिल्हा शल्यचिकित्सक डॉ. संजोग कदम व डॉ. सुहास माने यांच्याहस्ते डी.ई.आय.सी. विभाग प्रमुख आर्या पेंढारकर, डॉ. धनश्री होतकर, डॉ. प्रियांका पोळ, हेमा बाबर, डॉ. उत्कर्षा दळवी, डॉ. प्रमोद कीर्दत, डॉ. प्रियांका त्रिमुखे, शिक्षक दिनकर कोरवी, मुझमीन मोमीन, सुरैया नेवसे यांच्याकडे सुपूर्द केली. त्यावेळी हॉस्पिटलचे व्यंकटेश गौड उपस्थित होते.
यावेळी संस्थेचे अध्यक्ष हरीनारायण कासट, दिलीप लोया, राधेशाम भंडारी, नरेंद्र मिणीयार, विजयेंद्र राठी, प्रमोद लाहोटी, उज्वल सारडा, सुदीप भट्टड, माधव सारडा उपस्थित होते. यावेळी आर्या पेंढारकर यांनी आभार मानले. जिल्हा शल्यचिक्तिसक डॉ. संजोग कदम यांनी संस्थेच्या विविध उपक्रमाबद्दल समाधान व्यक्त करुन संस्थेच्या कार्याचे कौतुक केले.