सातारा: सातारा जिल्ह्यातील ग्रामीण भागात व्यावसायिक शिक्षणाचा प्रसार व दर्जा राखण्याचे काम करणार्या सातारा जिल्हा कॉम्पुटर टायपिंग अँड शॉर्टहॅन्ड ऑनर्स असोसिएशन या संघटनेची सभा सातारा येथील शासकीय विश्रामगृह या ठिकाणी पार पडली. यावेळी विविध विषयांवर चर्चा करण्यात आली.
शासनमान्य व्यवसायिक शिक्षण संस्थेमुळे सातारा जिल्ह्यातील ग्रामीण भागात पारंपरिक पद्धतीने शिक्षण घेणार्या गरीब विद्यार्थ्यांसाठी नोकरी व व्यवसायाचे द्वार खुले झाले आहे. सध्या शासकीय पातळीवर खाजगीकरण आल्याने शासकीय नोकर्यांची अवस्था फार बिकट बनली आहे. नशीब असेल तर खासदार, आमदार, जिल्हा परिषद, पंचायत समिती सदस्य व सरपंच, सोसायटी चेअरमन बनता येते. पण त्यापेक्षा शासकीय व खाजगी क्षेत्रात नोकरी मिळणे अवघड बनले आहे. दरवर्षी सातारा जिल्ह्यातील पदवीधर, द्विपदवीधर नोकरीच्या शोधात असतात. त्यामानाने व्यवसायिक शिक्षण घेणार्या विद्यार्थ्यांना लवकरच रोजगार उपलब्ध होतो. त्यामुळे केंद्र व राज्य सरकारने अशा संघटनेच्या पाठीशी खंबीरपणे उभे राहिले पाहिजे. त्यांच्या समस्या दूर करून त्यांना आवश्यक सोयी सुविधा दिल्या पाहिजेत अशी अपेक्षा प्रा.अविनाश राक्षे यांनी प्रसार माध्यमांशी चर्चा करताना व्यक्त केली.
या सभेला संघटनेचे राज्य संघटना प्रतिनिधी रणजित लेंभे, जिल्हा संघटना अध्यक्ष उषा चव्हाण, उपाध्यक्ष युवराज खरे, भाऊसाहेब नलावडे, रमेश जाधव,रामप्रसाद जोशी, महादेव गोंजारी व संघटनेचे पदाधिकारी, तसेच सातारा, जावळी, वाई, खटाव, कोरेगाव, पाटण, महाबळेश्वर, खंडाळा, कराड, माण, फलटण तालुक्यातील संघटनेचे कार्यकर्ते उपस्थित होते
दरम्यान, महाराष्ट्रातील गरीब तसेच आरक्षणाचा लाभ घेणार्या जाती-जमातीला व्यवसायिक शिक्षण मिळावे यासाठी सरकारकडून प्रयत्न केले जातात. खाजगी संस्था मधून शिक्षण दिले जाते पण, त्याचा शुल्क वेळेत मिळत नाही. यासाठी धोरणात्मक निर्णय होणे गरजेचे आहे. या क्षेत्रातील माहिती व जाण असलेल्या मान्यवर अधिकार्यांची शिक्षण, समाजकल्याण व महिला आणि बाल विकास विभागात नेमणूक करावी अशी मागणी लोकशाही चिरायू होवो संघटनेचे अजित जगताप, सचिव शहाजी गुरव यांनी केली आहे.
सातारा जिल्हा टायपिंग व शॉर्टहॅण्ड संघटनेची सभेत विविध विषयांवर चर्चा
RELATED ARTICLES
- Advertisment -