सातारा: सातार्यात पोलीस मुख्यालय ते मध्यवर्ती बस स्थानक मार्गावरील सातारा चिकनं सेंटरचे अतिक्रमण हटवण्यासाठी पोहचलेल्या पालिकेच्या पथकाला राजकीय अडथळ्यांची शर्यत अनुभवावी लागली . जिल्हाधिकारी श्वेता सिंघल यांचे लेखी आदेश असतानाही कारवाई टाळण्यासाठी जोरदार फिल्डिंग लागली. मात्र पथक कारवाईवर ठाम राहिल्याने अतिक्रमणं काढण्यासाठी सोमवार पर्यंतची मुदत मागून घेण्यात आली.
चांद गनी अब्दुल अत्तार हे रहिमतपूर नगर परिषदेचे नगरसेवक असून त्यांचे सातार्यात सातारा चिकन सेंटर हे खंडोबाच्या माळ परिसरात आहे. नगरपालिकेच्या जागेत त्यांनी अतिक्रमण करून बेकायदा बांधकाम केल्याने त्यांना अपात्र करण्याची तक्रार करण्यात आली होती. त्या अपात्रतेच्या सुनावणी प्रक्रियेत संबंधित अतिक्रमणं काढण्याचे लेखी आदेश जिल्हाधिकारी श्वेता सिंघल यांनी सातारा पालिकेला दिले होते. पालिका मुख्याधिकारी शंकर गोरे यांच्या सूचने प्रमाणे अतिक्रमण निरीक्षक प्रशांत निकम, भाग निरीक्षक श्रीकांत गोडसे, सतीश साखरे, कर्मचारी फौजफाटा जेसीबी गॅस कटरसह पोलीस बंदोबस्तात उपस्थित झाल्यावर चिकन सेंटरमधील कर्मचार्यांची धावपळ सुरू झाली . आत्तार यांनी कोर्टाची स्टे ऑर्डर असल्याचे सांगून कारवाई टाळण्याचा प्रयत्न केला . या दरम्यान अतिक्रमण हटाव पथकाला राजकीय दबाव सुरू झाला . बर्याच नगरसेवकांनी फोनाफोनी करून मध्यस्थी करण्याचा प्रयत्न केला . अगदी प्रकरण धाकटया वाडयात गेल्याचीही चर्चा होती तरी सुद्धा पथकाने घटनास्थळावरून न हटता थेट कारवाईला दुकानाच्या मागील बाजूने हात घातला . तेथील पत्रे हटवण्यास सुरवात करताच आत्तार यांनी अतिक्रमणं स्वतःहून हटवण्याची तयारी दर्शवून सोमवार पर्यंतची मुदत मागून घेतली
सातार्यात अतिक्रमण मोहिमांचे राजकीय दबावातून नेहमीच हसे झाले आहे . या मोहिमेत ही राजकीय दबावतंत्राचा पुरेपूर वापर झाला. मात्र कारवाई चे आदेश थेट जिल्हाधिकार्यांचे असल्याने मध्यस्थ सुध्दा विनंती मध्यस्थी करून कंटाळले . पोलीस बंदोबस्त असल्याने अतिक्रमण पथकाने थेट चिकन सेंटरवर कारवाईचा हातोडा उगारल्याने अतिक्रमण करणारे गांगरले .
अतिक्रमण मोहिमेला राजकीय अडथळ्यांचा अनुभव
RELATED ARTICLES
- Advertisment -