महोत्सवामध्ये माणदेशी वस्तूंच्या खरेदीचा आनंद घ्यावा: चेतना सिन्हा

सातारा: माणदेशी फौंडेशन आयोजित माणदेशी महोत्सव 2019 हा 21 नोव्हेंबर पासून सातारा जिल्हा परिषदेच्या मैदानावर सुरु आहे आजचा या महोत्सवाचा दुसरा दिवस आज या महोत्सवामध्ये बचत गटाच्या महिला सदस्या तसेच अंगणवाडी सेविका, सीआरपी सदस्या यासर्वांसाठी माणदेशी फौंडेशन आणि जिल्हा उद्योग केंद्राच्या वतीने 270 महिलांना प्रशिक्षण देण्यात आले. यावेळी या महिलांची ऑन्को लाईफ़ लाईफ सेंटरच्या वतीने महिलांच्या आरोग्य विषयी शिबीर घेण्यात आले आणि माणदेशी फौंडेशनच्या वतीने या सर्व महिलांना अल्पोपहार देण्यात आला. त्याचबरोबर सायंकाळी महोत्सवामध्ये सुप्रसिध्द राष्ट्रपती पुरस्कार विजेत्या भारुडकार श्रीमती चंदाताई तिवाडी यांच्या भारुडाचा कार्यक्रम पार पडला त्यास सातारकरांनी खूप मोठ्या संख्येने आस्वाद घेतला. आज या महोत्सवास माणदेशी महोत्सवाचे पुरस्कर्ते क्सेंचरचे मॅनेजिंग डयरेक्टर महेश झुरळेसाहेब यांनी भेट देऊन माणदेशी फौंडेशनच्या कार्याचे कौतुक केले. यावेळी माणदेशी फौंडेशनच्या वतीने त्यांचा ह्रदय सत्कार करण्यात आला.
यावेळी माणदेशी फौंडेशनच्या मॅनेजिंग ट्र्स्टी श्रीमती रेखा कुलकर्णी, मुख्य प्रशासकीय अधिकारी श्रीमती वनिता शिंदे हे उपस्थित होत्या. नेहमीच्या महोत्सवापेक्षा वेगळा असणारा आणि आपली माणदेशी
खासीयत असणारा हा माणदेशी महोत्सव यंदाच्या माणदेशी महोत्सवाचे खास आकर्षण आहे ते म्हणजे लघू उद्योजकांना लागणार्‍या मशीनरींचे प्रदर्शन आणि विक्री
या मशिनरींच्या प्रदर्शनामध्ये सेल्को सोलर लाईट प्रा.लि. म्हसवड ट्रेंडिग कंपनी, लाईफ इनक्युबिटर हॉचिंग, इनव्हो ग्रीन एल एल व्ही, सी एस सी, विज्ञान आश्रम, ड्रिम इंडिया कॉर्पोरेशन, जी केम आटा चक्की, ब्लू स्टार टोमोबाईल आदी लघू उद्योग क्षेत्रात लागणार्‍या मशीनरींचे उत्पादन करणार्‍या कंपनीचे स्टॉल आहेत.
माणदेशी फौंडेशनच्या अध्यक्षा यांनी लघु उद्योग करणार्‍या महिला आणि बचत गटाच्या माध्यमातून व्यवसाय करणार्‍या महिलांना या प्रदर्शनास भेट देण्याचे आवाहन केले आहे. तसेच आज दि 23 नोव्हेंबर रोजी होणा-या माणदेशी उद्योजिका पुरस्कार सोहळ्यास सिने अभिनेत्री श्वर्या नारकर उपस्थित राहणार आहेत तरी या कार्यक्रमासही साताराकरांना उपस्थित राहण्याचे आवाहन केले आहे.