अल्प व्याजदराने व त्वरित वाहन तारण कर्ज घ्या:कुलकर्णी

सातारा: जनता सहकारी बँक लि. साताराचे सभासद संतोष शिवाजी झनकर (रा. डिलक्स लॉन्ड्री, गुरुवार पेठ) यांना मारुती बलेनो डेल्टो गाडीचे वितरण भागधारक पॅनेलचे प्रमुख विनोद कुलकर्णी यांच्याहस्ते आणि मान्यवरांच्या उपस्थितीत समारंभपूर्वक करण्यात आले. यावेळी बँकेच्यावतीने अत्यल्प व्याजदराच्या वाहन तारण योजनेचा ग्राहकांनी फायदा घ्यावा. बँकेतर्फे अल्प व्याजदराने कर्ज वितरण सुरु आहे, त्याचा सभासदांनी लाभ घ्यावा असे आवाहनही त्यांनी यावेळी केले.
पॅनेलप्रमुख विनोद कुलकर्णी पुढे म्हणाले, बँकेच्या सातारा शाखेचे कामकाज प्रगतीपथावर असून ते कौतुकास्पद आहे. ही बँक सर्वसामान्यांच्या उन्नतीसाठी कटिबध्द आहे. आजमितीस बँकेकडे 156 कोटी रुपयांच्या ठेवी असून 94 कोटीचे कर्ज वितरण केलेले आहे. सातारावासियांनी दाखविलेल्या विश्वासावरच बँकेने प्रगती साधली असून बँकेच्या विविध ठेव व कर्ज योजनांचा लाभ सभासदांनी घ्यावा असे आवाहनही त्यांनी केले.
बँकेचे सभासद संतोष झनकर यांनी संचालक सदस्य व अधिकार्‍यांनी केलेल्या सहकार्याबद्दल धन्यवाद देऊन बँकेच्या प्रगतीसाठी शुभेच्छा दिल्या. याप्रसंगी बँकेच्या भागधारक पॅनेलचे पॅनेलप्रमुख विनोद कुलकर्णी, व्यवस्थापक प्रशांत शास्त्री, उपव्यवस्थापक प्रशासन विभाग मच्छिंद्र जगदाळे, उपव्यवस्थापक कर्ज विभाग सलीम बागवान, कर्मचारी संघटनेचे अध्यक्ष राजाराम पवार, बँकेचे मान्यवर सभासद, अधिकारी व सेवक वर्ग उपस्थित होता.