निखिल शेळके याची आय.आय. एम. अहमदाबाद येथे पदव्युत्तर शिक्षणासाठी निवड

सातारा : निखिल बापूसाहेब शेळके, लोणंद याची आय. आय. एम. अहमदाबाद या नामांकित व्यवस्थापन संस्थेत झॠझ-ऋइच् या पदव्युत्तर शिक्षणासाठी निवड झाली आहे. आय.आय. एम. सारख्या देश पातळीवरील शिक्षण संस्थात शहरी भागातील मुलांनी प्रवेश मिळवणे त्यांना उपलब्ध असणार्‍या सोयी-सुविधांचा विचार करता फार अवघड नाही. तथापि ग्रामीण भागातील मुलांचे कौशल्य व गुणवत्ता वाढीसाठी व त्यांना राष्ट्रीय प्रवाहात आणण्यासाठी केंद्रीय मनुष्यबळ विकास मंत्रालय नेहमी प्रयत्नशील असते. लोणंदसारख्या ग्रामीण भागातुन जिल्हा परिषद शाळा ते आय. आय. एम. अहमदाबादचा प्रवास ग्रामीण भागातील मुलांना निश्चित मार्गदर्शक ठरेल.
इंडियन इन्स्टिट्यूट ऑफ मॅनेजमेन्ट- अहमदाबाद संस्थेची स्थापना 1961 मध्ये झाली. हे कोलकात्यातील आय.आय. एम. नंतर स्थापन होणारे भारतातील दुसरे आय. आय. एम. आहे. संस्थेची गणना मॅनेजमेन्टचे प्रशिक्षण देणार्‍या जगातील अग्रगण्य संस्थांमध्ये होते.
.रिझर्व्ह बँकेचे 2013 पासूनचे गव्हर्नर रघुराम राजन, क्रिकेट समालोचक हर्ष भोगले, मॅनेजमेन्ट गुरू सी. के. प्रल्हाद, जगप्रसिद्ध हावर्ड बिझनेस स्कूलचे प्राध्यापक श्रीकांत दातार, प्रसिद्ध निर्माता-दिग्दर्शक व व्यावसायिक चेतन भगत यासारख्या विविध क्षेत्रातील आघाडीच्या व्यक्ती या संस्थेच्या माजी विद्यार्थी होत्या. तसेच विक्रम साराभाई यांच्यासारखे संचालक असणार्‍या संस्थेत देशपातळीवर फक्त 46 मुलांना प्रवेश दिला जातो. विविध पदवी-शाखांतील उढ द्वारे डकजठढङखडढ झालेल्या मुलांना अतिशय अवघड अशा ग्रुप डिस्कशन आणि वैयक्तिक मुलाखत (ॠऊझख) प्रक्रियेमधून जावे लागते. निवड प्रकिया अतिशय अवघड असून त्यामध्ये शहरी भागातील मुलांचे प्राबल्य दिसून येते अशा नामांकित संस्थेत मिळालेला प्रवेश अतिशय कौतुकास्पद असून ग्रामीण भागातील विद्यार्थ्यांना भविष्यात प्रेरणादायी ठरणार आहे. राहुरी येथुन कृषी अभियांत्रिकी पदवीधर झालेल्या निखिलचे प्राथमिक शिक्षण लोणंद येथील जिल्हा परिषद शाळेत मराठी माध्यमातुन झाले. पदवीनंतर णझडउ व चझडउ प्रचलित स्पर्धा परीक्षांना बगल देत व्यवस्थापन क्षेत्राची निवड कौतुकास्पद असुन ग्रामीण भागातील विद्यार्थ्यांना प्रेरणादायी ठरेल.
आजकाल मुलांचे करीअर निवडताना बहुतांश पालक व मुले मेडिकल व इंजिनिअरिंग या प्रचलित शाखांपलीकडे जाण्याचे धाडस करीत नाहीत. असे असताना निखिलने आय. आय. एम. अहमदाबाद सारख्या राष्ट्रीय पातळीवरील शिक्षण संस्थेत मिळविलेला प्रवेश लोणंद व लोणंद परिसरातील विद्यार्थ्यांना व्यवस्थापन शाखेतील करियरविषयी दिशादर्शक ठरणार आहे.तसेच पदवीनंतर घेतल्या जाणार्‍या ॠढए, उढ, उचढ, चइ/चचड उएढ यासारख्या अनेक परीक्षांमध्ये प्राविण्य मिळवत आय. आय. एम. अहमदाबाद या देशपातळीवरील अग्रमानांकित शिक्षण संस्थेतील प्रवेश कठोर मेहनत, आई-वडील व शिक्षकांच्या मार्गदर्शनामुळे मिळविल्याचे सांगितले.
जिल्हा परिषदेचे मोहिम अधिकारी बापुसाहेब शेळके यांचा मुलगा असुन लहान भाऊ कु. निनाद याची देखील गतवर्षी आय. आय. टी. खरगपुर येथे निवड झाली आहे.
लोणंद सारख्या ग्रामीण भागातुन एकाच कुटुंबातील दोन्ही मुलांचे आय. आय. एम व आय. आय. टी. सारख्या नामांकित संस्थेतील प्रवेशाबाबत सर्व स्तरातून कौतुक/अभिनंदन होत आहे.