परळी खोर्‍यात गहू मळणीची लगबग सुरू

परळी ः उन्हाचा चटका वाढल्याने रब्बी हंगामातील गहू, हरभरा काढणी वेगाने सुरू आहे. तसेच मळणीची लगबग सुरू आहे. परळी खो़र्‍यात रब्बी ज्वारीबरोबरच गव्हाचे उत्पादन घेत असलेल्या शेतक़र्‍यांची गहू मळणीची लगबग सुरू आहे. शेतकरीही आता मजूर लावून वेळ वाया न घालवता कमीतकमी वेळात पिकांची मळणी करुन घरी धान्य आणण्याच्या गडबडीत आहेत.
शेतक़र्‍यांनी मोठया प्रमाणात देशी वाणासह, संकरित यांसारख्या वाणाची पेरणी केली होती. सध्या हरभरा, गव्हाची काढणी वेगाने सुरू असली तरी त्याला मजूर टंचाईचा मोठा बसत आहे. मजुरांचा वाढता तुटवडा यामुळे या भागात गहू काढण्यासाठी मजुरांच्या तारखाच ठरल्या आहेत. काही ठिकाणी पैरा पद्धतेने मजुरांच्या तुटवडयाला पर्याय काढला आहे.