सातारा : सातार्‍यातील मुख्य रस्त्यावर माचीपेठेत जेसीबीचा ब्रेक फेल झाल्याने या जेसीबीने समोरून येणार्‍या 2 कार व दुचाकी वाहनांना धडक दिली. या भीषण अपघातात 5 जण गंभीर जखमी झाले आहेत. यानंतर या परिसरात मोठ्याप्रमाणात वाहतूक कोंडी झाली.
हा जेसीबी बोगद्यातून पोवई नाक्याकडे निघाला होता. या दरम्यान जेसीबीचा ब्रेक फेल झाल्याने या जेसीबीने रस्त्यावर मधे येणार्‍या प्रत्येक वाहनाला धडक देत चिरडायला सुरूवात केली. यात दोन कार आणि दोन दुचाकी वाहनांना जेसीबीने धडक दिली. या अपघातात पाच जण गंभीर जखमी झाले आहेत. या जखमींना उपचारासाठी रूग्णालयात दाखल करण्यात करण्यात आले आहे. हा अपघात शुक्रवार दुपारी 3 वाजता झाला.
दरम्यान या घटनेनंतर माचीपेठेमध्ये नागरिकांनी गर्दी केली होती. यामुळे वाहतूकीची कोंडी झाली होती. घटनास्थळावर उशीराने पोलिस दाखल झाल्यानंतर वाहतूकीची कोंडी दूर करण्याचा प्रयत्न करण्यात आला. सर्व जखमींवर क्रांतीसिंह नाना पाटील सर्वसाधारण जिल्हा रुग्णालयात उपचार सुरु आहेत. रात्री उशीरा या अपघाताची नोंद सातारा शहर पोलीस ठाण्यात करण्यात आली आहे.
