मायणी :- (सतीश डोंगरे) काल सायंकाळी झालेल्या जोरदार वाऱ्यासह पावसाने शिंदेवाडी ,मायणी येथील रहिवासी असलेले स्वप्नील भिसे व पूजा तुपे हे दोघे दुचाकीने आपल्या घराकडे जात असताना मल्हारपेठ पंढरपूर या रस्त्यावरील सरुताई मठा नजीक असणाऱ्या कडुलिंबाचे झालं त्यांच्या चालत्या दुचाकीवर पडल्याने स्वप्नील व पूजा त्या झाडाखाली दबले गेले होते यात वडूज येथे उपचारास नेताना स्वप्नील भिसे या युवकांचे निधन झाले ,तर पूजा तुपे ही गंभीर जखमी झाल्याने तिला सातारा येथे उपचारासाठी हलवण्यात आले होते .परंतु सातारा येथील खाजगी रुग्णालयात उपचार घेत असताना पूजा तुपे हीची प्राणज्योत मालवली. यामुळे भिसे कुटुंबाच्या पाठोपाठ तुपे परिवारावर दुःखाचा डोंगर कोसळला आहे.तर मायणी व परिसरात शोकळला पसरली आहे.
निधन झालेली पूजा तुपे ही मूळ ऐनवाडी ता खानापूर जि सांगली येथील रहिवासी असून पाच ते सहा वर्षापपूर्वी आपल्या वडिलांच्या निधनानंतर आपली आई जयश्री दादासो तुपे व लहान भाऊ व बहिणी सोबत शिंदेवाडी ,मायणी येथील मामा चांगदेव भिसे यांच्याजवळ वास्तव्यास होती.कुटूंबात आईला मदत व्हावी या साठी मायणी येथील एका कापड दुकानात काम करून आईला आर्थिक मदत करण्याचा प्रयत्न करीत होती.परंतु तिच्या आकस्मित निधनाने तिच्या आई व लहान भाऊ बहिणीवर दुःखाचा डोंगर कोसळला आहे.
नियतीचा खेळ
काल झालेल्या जोरदार वारा व पावसाने शिंदेवाडी- मायणी रस्त्यावर वाळजे वस्ती नजीक झाड कोसळल्याने नेहमी रहदारी असणारा रास्ता बंद झाल्याने मृत स्वप्नील भिसे याने आपली दुचाकी पर्यायी रस्त्याने वळवून मायणी तलावातून जाणाऱ्या रस्त्याने जायला निघाला.व काळाने सरुताई मठा च्या पुढे आल्यानंतर स्वप्नील व पूजा तुपे यांच्यावर घाला घालत त्याने जीवन संपवले. नियतीच्या खेळ पाहता एक झाड रस्त्यात पडले म्हणून पर्यायी रस्त्याने निघाले परंतु काळाने दुसऱ्या झाडाच्या रूपाने स्वप्नील व पुजावर घाला घालत त्यांचे हसते खेळते आयुष्य संपवून टाकले.
