मायणी :(सतीश डोंगरे) येथिल भारतमाता विद्यालयातील ओमसाई संजय जाधव,प्रसाद हनुमंत भोसले व वत्सलाबाई गुदगे कन्या प्रशालेतील श्वेता संजय पाटोळे या तीन खेळाडूंची राष्ट्रीय नेटबॉल स्पर्धेसाठी निवड झाली आहे. त्यामुळे राष्ट्रीय संघात सातारा जिल्ह्यातील हे तीन खेळाडू राज्याचे प्रतिनिधित्व करणार आहेत .
तेलंगाणा( हैद्राबाद )येथे होणाऱ्या १४ वर्षाखालील शालेय राष्ट्रीय नेटबाल स्पर्धे होणार आहे. या स्पर्धेमध्ये चौदा वर्षांखालील मुलांच्या संघामध्ये भारतमाता विद्यालयातील ओमसाई संजय जाधव,प्रसाद हनुमंत भोसले हे दोन खेळाडू राज्याचे प्रतिनिधित्व करणार आहेत .तर राज्याच्या चौदा वर्षांखालील मुलींच्या संघामध्ये वत्सलाबाई गुदगे कन्या प्रशालेतील विद्यार्थीनी श्वेता संजय पाटोळे राज्याचे प्रतिनिधीत्व करणार आहे . तसेच राष्ट्रीय प्रशिक्षकपदी भारतमाता विद्यालय मायणी येथील क्रीडा शिक्षक श्रीमंत कोकरे यांची निवड झाली आहे.
या निवडीबद्दल भारतमाता विद्यालाय व ज्युनिअर कॉलेजचे प्राचार्य प्रमोद इनामदार ,मुख्याध्यापिका वृषाली पाटील सचिव सुधाकर कुबेर ,चेरमन सुरेंद्र गुदगे, तसेच सर्व शिक्षक शिक्षकेतर कर्मचारी,विद्यार्थी विद्यार्थिंनी व ग्रामस्थ यांनी अभिनंदन केले.
