उदयनराजेंच्या प्रचारार्थ सातारा शहरातून पदयात्रा उत्साहात

सातारा : राष्ट्रवादी,काँग्रेस व मित्रपक्ष आघाडीचे सातारा लोकसभा मतदारसंघातील अधिकृत उमेदवार खा.श्री.छ.उदयनराजे भोसले यांच्या निवडणूक प्रचारार्थ आज सकाळी सातारा शहर पदयात्रा काढण्यात आली.
चिमणपूरा पेठेतील गारेचा गणपती मंदिरापासून या पदयात्रेस प्रारंभ झाला , सुरुवातीला गणपती मंदिरात खा.श्री.छ.उदयनराजे भोसले व आमदार श्री.छ. शिवेंद्रसिंहराजे भोसले यांच्या हस्ते श्रींचे पूजन करण्यात आले. त्यांनतर नगराध्यक्षा माधवी कदम , माजी नगराध्यक्ष अशोकराव मोने, माजी उपनगराध्यक्ष अविनाश कदम, अच्चूतराव जाधव, आदींच्या हस्ते श्रीफळ वाढवून पदयात्रेचा प्रारंभ करण्यात आला.
गारेचा गणपती मंदिरापासून प्रारंभ झाल्यावर प्रभाग क्रमांक 15, 16, 17, 19, व 20 मध्ये ठीक ठिकाणी मुख्य मार्गावरून ही पदयात्रा मार्गस्थ होत होती.
माजी नगराध्यक्षा रंजना रावत,स्मिता घोडके, माजी नगराध्यक्ष डॉ. अच्चूत गोडबोले, निशांत पाटील, नासीर शेख, उपनगराध्यक्ष सुहासराजे शिर्के , राष्ट्रवादीचे नेते सुधीर धुमाळ, पाणीपुरवठा सभापती श्रीकांत आंबेकर , अमोल मोहिते, रवींद्र ढोणे, राजू गोडसे आदींसह आजी माजी नगरसेवक व विविध संस्था संघटनेचे प्रतिनिधिंनी या पदयात्रेत सहभाग घेतला होता.
चिमणपूरा पेठ, मनामती चौक, मंगळवार तळे, विठोबाचा नळ, सोहनी गिरण, काशीविश्वेश्वर मंदिर, डफळे हौद, खंडूजी कदम निवासस्थान , गोलमारुती मंदिर चौक , सोमवार पेठ दत्त मंदिर चौक , मार्गे फुटका तलाव परिसरात या पदयात्रेची सांगता झाली.
गोल मारुती चोवकात माजी उपनगराध्यक्ष दीपाली गोडसे व यादोगोपाल पेठेतील महिलांनी फटाक्यांऐवजी गुलाबाच्या फुलांच्या पाकळ्यांची उधळण करून या पदयात्रेचे पर्यावरणपूरक स्वागत केले.
आजच्या या पदयात्रेत सुजाता राजमहाडिक, दीपलक्ष्मी नाईक, लीना गोरे, स्नेहा नलावडे, लता पवार , अनिता घोरपडे, सुनीता पवार, मनीषा काळोखे, बाळासाहेब खंदारे, रवींद्र पवार, दिंगंबर भोसले, शकील बागवान, महेश महाडिक , कुमार चावरे , प्रशांत अहिरराव , भाऊ चौगुले , अन्वर पाशा खान, प्रताप शिंदे आदींसह आजी माजी नगरसेवक, प्रमुख कार्यकर्ते, यांचाही सहभाग होता.
ठिकठिकाणी पदयात्रेचे नागरिकांनी उत्स्फुर्तपणे स्वागत केले. तसेच प्रचंड बहुमताने खा.श्री.छ.उदयनराजे भोसले यांना देण्याचा निर्धार व्यक्त केला.