पाटण:- (शंकर मोहिते)- जिल्ह्यातच न्हवे तर महाराष्ट्रत पाटण तालुका पत्रकार संघाचे वेगळे स्थान निर्माण झाले आहे. पाटण तालुका पत्रकार संघाने आतापर्यंत केलेल्या कार्याचा गौरव महाराष्ट्र राज्य मराठी पत्रकार परिषदेने राज्य स्तरीय पुरस्कार देऊन पाटण तालुक्याचा गौरव केला आहे. सर्व सामान्य जनतेसाठी व पाटण तालुक्याच्या जडणघडणीसाठी पत्रकारांनी वापरलेली लेखणी यामुळेच पाटण तालुक्याचे अनेक प्रश्न मार्गी लागुण सुटलेले आहेत. येथून पुढे ही पाटण तालुक्याच्या प्रश्नासाठी व सर्व सामान्यांच्या आडचणीसाठी पत्रकारांनी लेखणीचा वापर करावा. यासाठीच आमच्याकडून पत्रकारांना पत्रकार दिनाच्या हार्दिक शुभेच्छा.. असे गौरव उद्धगार महाराष्ट्र राज्याचे माजी सार्वजनिक बांधकाम व पर्यटन मंत्री विक्रमसिंह पाटणकर यांनी पत्रकार दिनानिमित्त आयोजित कार्यक्रमात बोलताना काढले.
यावेळी सातारा जिल्हा परिषदेचे माजी उपाध्यक्ष व पाटण बाजार समितीचे सभापती विक्रमबाबा पाटणकर, तहसीलदार रामहरी भोसले, पत्रकार संघाचे अध्यक्ष भगवंत लोहार, कार्याध्यक्ष श्रीकांत पाटील, उपाध्यक्ष नितीन खैरमोडे, दिनकर वाईकर सचिव विद्या म्हासुर्णेकर यांची प्रमुख उपस्थिती होती.
विक्रमसिंह पाटणकर पुढे म्हणाले २५-३० वर्षापूर्वी पाटण तालुक्यात पत्रकारच नव्हते. त्यावेळी कराड-चिपळुन वरुण पत्रकारांना बोलवून पाटण तालुक्याच्या समस्या दैनिकातुन मांडल्या जायच्या. अशा परस्थितीत एस.टी.त काम करणारे वामनराव चोचे (भाऊ) हे पाटण तालुक्यातील पहिले पत्रकार तयार झाले. हळू-हळू दैनिकांची संख्या वाढत गेली तशी पत्रकारांची संख्या देखिल वाढत गेली. आज प्रतेक विभागात पत्रकार आहेत. त्यांच्याकडून त्या विभागातील-गावातील समस्या मांडल्या जात असल्यानेच शासनाचे लक्ष या समस्यांकडे जात असुन त्या सोडविण्याचा प्रयत्न होत आहे. आज पाटण तालुक्याला अनेक संकटांना सामोरे जावे लागत आहे. इको-सेन्सीटीव, जागतिक वारसा स्थळ, सह्याद्री व्याघ्र प्रकल्पच्या जाचक अटीने ग्रासले गेले आहे. इको-सेन्सीटीव मधे ९५ तर व्याघ्र प्रकल्पाच्या कोअर झोन मधे १४ गावांचे भवितव्य अढकले आहे. या एकुण १०९ गावांचे अढकलेले भवितव्य सोडविण्यासाठी सर्वां बरोबर पत्रकारांनी सहकार्य करावे असे अहवान त्यांनी या निमित्ताने पत्रकारांना केले.
यावेळी विक्रमबाबा पाटणकर पत्रकारांना शुभेच्छा देताना म्हणाले पाटण तालुक्यातील पत्रकारांचे कार्य कौतुकास्पद आहे. पत्रकारांनी सर्वसामान्यांच्या प्रश्नाकडे अधिक लक्ष देताना पाटण तालुक्याच्या विकासावर शासनाकडून लादल्या जाणाऱ्या अटी यावर थोडे अधिक लक्ष केंद्रीत केले पाहिजे. या जाचक अटीचां परिणाम शेतकऱ्यांना भोगावा लागत आहे. आज शासनाच्या चुकीच्या धोरणामुळेच वन्यप्राणी मानवी वस्तीवर हल्ले करु लागले आहेत. वन्यप्राण्याकंडून झालेली नुकसान भरपाई तुटपूंजी तर एखाद्या वन्यप्राण्याचे झालेले नुकसान त्या शेतकऱ्यिचे अख्ख अविष्य उधवस्त करुन टाकते. प्रकाशाने अशा जाचक गोष्टीकडे सर्वांनी जाग्रुकतेने लक्ष देण्याची गरज आहे. असे त्यांनी सांगितले.
यावेळी तहसिलदार रामहरी भोसले यांनी आपले मनोगत व्यक्त करुन नविन ए.वि.एम.बरोबर वि.वि पैट मशिनचे प्रात्याक्षित करुन दाखवले. तसेच शिवसेनेचे पाटण तालुका अध्यक्ष सुरेश पाटील, मनसेचे ता.अध्यक्ष गोरख नारकर, आर.पी.आय.चे पाटण ता. अध्यक्ष प्राणलाल माने, राजेंद्र पाटणकर, पत्रकार आनंदराव देसाई, विक्रांत कांबळे, दादा पवार यांनी मनोगत व्यक्त केले. या कार्यक्रमास सुंदरगड संवर्दन समितीचे यशवंतराव जगताप, मनोहर यादव, धर्यशिल पाटणकर, तसेच नितिन पिसाळ, चंद्रकांत बामने, विक्रम यादव, यांच्यासह पाटण तालुक्यातील सर्व पत्रकारांची उपस्थिती होती. प्रारंभी पत्रकार संघाचे अध्यक्ष भगवंत लोहार यांनी प्रस्ताविक करुन उपस्थित सर्वांचे स्वागत केले. सचिव विद्या म्हासुर्णेकर यांनी सुत्रसंचालन केले. शेवटी उपाध्यक्ष दिनकर वाईकर यांनी अभार मानले.
*दोन वर्षानंतर दोन्ही पाटणकरांची एकत्रित भेट.*
पत्रकार दिनानिमित्त बाजार समितीचे सभापती विक्रमबाबा पाटणकर यांचे भाषण सुरु असताना माजी मंत्री विक्रमसिंह पाटणकर (दादा) यांचे आगमन झाले. त्यावेळी विक्रमबाबांनी भाषण थांबवुन दादांचे आधरपुर्वक स्वागत केले. दादांनीही त्यांना स्मित हास्य करत प्रतिसाद दिला. या कार्यक्रमात दादा आणि बाबा यांच्या भाषणातील सारावंश एकच जाणवला. पाटण तालुक्यातील शेतकरी व प्रकल्प ग्रस्त नागरीकांना शासनाच्या जाचक अटीपासुन वाचवा.. असा दोघांचा सुर होता.
