वाई तालुक्याचा विकास हाच शिवसेनेचा ध्यास:महेश शिंदे

वाई : हिंदूहृदय सम्राट दिवंगत बाळासाहेब ठाकरे यांची शिवसेनालोकांच्या मनावर आजही अधिराज्य गाजवीत असून सातारा जिल्ह्याचे पालकमंत्री- ना.विजयबापू शिवतारे, सातारा, सांगली जिल्ह्याचे संपर्क नेते व कृष्णा खोरेचे उपाध्यक्ष- प्रा, नितीन बानुगडे(पाटील) यांच्या मार्गदर्शनाखाली जिल्हा नियोजन समितीच्या माध्यमातून शिवसेनेचे माजी जिल्हा प्रमुख व जिल्हा नियोजन समिती सदस्य- महेश शिंदे यांनी वाई तालुक्यात शिवसेनेच्या माध्यमातून विकास कामे करीत असताना कधीही राजकारणाला थारा दिला नाही.सध्या वाई तालुक्यात शिवसेनेच्या माध्यमातून विकास कामांचा झपाटा सुरु केला असून जणू वाई तालुक्याचा विकास करण्याचा शिवसेनेने ध्यासच घेतला आहे. भूईज मधील अंतर्गत रस्त्याच्या कामासाठी साडेपाच लाखांचा निधी उपलब्ध केला असून त्या कामाचा शुभारंभ महेश शिंदे व भुईंज ग्रामपंचायतीच्या मान्यवरांच्या उपस्थितीत नुकताच पार पडला. यावेळी भुईंज ग्रामपंचायतीचे सरपंच- सौ.पुष्पा भोसले, उपसरपंच- प्रशांत जाधवराव, माजीसरपंच- सौ. अनुराधा भोसले, बाळासाहेब कांबळे, उपतालुका प्रमुख- दत्ता इथापे, विजय बडे, हणमंतराव वाघ, प्रकाश बाबर, विश्वास भोसले, आप्पा चिकणे, सतीश भोसले यांची प्रमुख उपस्थिती होती.
जिल्हा नियोजन समितीचे सदस्य महेश शिंदे म्हणाले, वाई तालुक्यात शिवसेनेच्या माध्यमातून करोडो रुपयांचा निधी मंजूर झाला असून चींधवली स्मशानभूमीसाठी चार लक्ष रुपये, निकमवाडीस्मशानभूमीसाठी चार लक्ष रुपये, आसले-पिराचीवाडी स्मशानभूमी रस्ता दोन लक्ष रुपये, वडाचीवाडी स्मशानभूमी चार लक्ष रुपये, बावधन शिवाजी चौक-ते-कणूर रस्ता डांबरीकरण चार लक्ष रुपये, भुईंज चिकणेबार ते वारागडे यांच्या घरापर्यंत रस्ता डांबरीकरण सात लक्ष रुपये, भुईंज मध्येच राजयोगबार ते अंबिके यांच्या घरापर्यंतचा रस्ता डांबरीकरण पाच लक्ष रुपये, भुईंज मधील स्ट्रेट लाईट जोडणे 27 लक्ष रुपये, वरचे चाहूर मधील शाळेची खोली बांधणे सात लक्ष रुपये, बावधन, धोम, मांढरदेव, मेणवली, या गावांमधील हायमॉस्ट पोल, व कळंबे येथील नवीन गावठाण रस्ता डांबरीकरण चाळीस लक्ष रुपये, कळंबे येथील ओढ्यावर साकवपूल बांधणे वीस लक्ष रुपये, काळंगवाडी दलितवस्ती रस्ता काँक्रेटीकरण पाच लक्ष रुपयांचा असा ऐकून एक कोटी पस्तीस लाखांचा निधी मंजूर करण्यात आला असून या सर्व ठिकाणची कामे युध्द पातळीवर चालू आहेत.
कार्यक्रमाच्या सुरुवातीला महेश शिंदे व प्रमुख मान्यवरांच्या हस्ते श्रीफळ वाढवून अंतर्गत रस्त्याच्या कामाचा शुभारंभ करण्यात आला. यावेळी ग्रामपंचायतीच्या आजी-माजी सरपंच व सदस्य, शिवसेनेचे पदाधिकारी यांनी मनोगत व्यक्त केले.