गोवा येथील शिक्षक महाअधिवेशनात सातारा जिल्ह्याची छाप ; मान्यवरांनी केले कौतुक

सातारा : शिक्षक हा महत्वाचा कणा आहे. नगर पालिका शाळेत शिकत खूप लोकांनी गरुडझेप मारली आहे. मी सुध्दा अशाच नगरपालिका शाळेत शिक्षण घेतले व शास्त्रज्ञ झालो आहे.शिक्षकांना प्रतिष्ठा प्राप्त करून देण्याचे कार्य समाज्यानेच करावे असे प्रतिपादन जेष्ठ शास्रज्ञ डॉ. रघुनाथ माशेलकर यांनी केले.दरम्यान, सातारा जिल्ह्यातील शिक्षकांनी उपस्थित दाखवून चांगलीच छाप पाडली.
म्हापसा (गोवा)येथील श्री देव बोडगेश्वराच्या पटांगणात आयोजित अखिल भारतीय प्राथमिक शिक्षक महासंघाचे राष्ट्रीय अधिवेशन व भव्य शिक्षक परिषद आयोजित करण्यात आली होती या वेळेस या परिषदेला मार्गदर्शन करताना परिषदेचे उदघाटन डॉक्टर माशेलकर व महसूल मंत्री चंद्रकांत पाटील,जेष्ठ संपादक किरण ठाकूर यांच्या हस्ते करण्यात आले होते.यावेळी मंचावर खा. धनंजय महाडिक ,राष्ट्रीय अध्यक्ष तथा माजी आमदार शिवाजीराव पाटील ,राष्ट्रीय कार्यवाह अशोक पाटील , शिक्षणतज्ज्ञ प्राचार्य डॉ. होनगेकर ,डॉ. कालिंदी रानभरे ,प्राचार्य डॉ. एच बी पाटील तसेच सिद्धेश्वर पुस्तके व मान्यवर उपस्थित होते.
ज्येष्ठ शास्त्रज्ञ डॉ. माशेलकर पुढे म्हणाले, सर्व विद्यार्थ्यांना घडवण्यात शिक्षकांचा मोठा वाटा आहे विद्यार्थी ,समाज ,देश घडवण्याचे कार्य शिक्षक करत असतात शिक्षकांना पूर्वीच्या काळी प्रतिष्ठा होती. ती सध्या राहिलेली नाही ही प्रतिष्ठा जेंव्हा समाज शिक्षकांना देतील तेव्हाच भारत देश खूप मोठा बनेल असेही डॉ.माशेलकर यांनी सांगितले. शिक्षक महासंघाचे अध्यक्ष शिवाजीराव पाटील तसेच खा. धनंजय महाडिक व महसूलमंत्री चंद्रकांत पाटील यांनी शिक्षकांना निवृत्ती पेन्शन लागू करा यासाठी या अधिवेशनात एकच आवाज उठवला . 2005 नतर जे पेन्शन निर्णय झाले त्याबाबत शिक्षक नाखूश हीत पंतप्रधान मोदींनी कामगारांसाठी पॅशन योजना लागू केली आहे पण समाज घडवणार्‍या शिक्षकांचे काय? त्यांना पेन्शन मिळालीच पाहिजेत. शिक्षकांना पेन्शन लागू करण्यासाठी आपण विधानसभेत तसे संसदेत आवाज उठवणार असल्याचेही या नेत्यांनी सांगितले.
खा. धनंजय महाडिक यांनी सांगितले की, शिक्षकांना राष्ट्रीय अधिवेशनासाठी रजा मंजूर झाली पाहिजे यासाठी शिक्षक नेते माजी आमदार शिवाजीराव पाटील यांनी दिल्लीत थंडीतही पाठपुरावा करून केंद्रीय मंत्री प्रकाश जावडेकर यांना राजी केले आहे. गोव्यतील सर्वत्र शिक्षकांच्याच गाड्या दिसत होत्या. त्यामध्ये सातारा, सांगली, कोल्हापूर, कोकण, विदर्भ व मराठवाडा येथून शिक्षक आले होते. स्वागताध्यक्ष म्हणून सर्वांचे स्वागत करतो.