शिक्षक संघाचे नेते बलवंत पाटील यांचा वाढदिवस उत्साहात साजरा

एक हजार देशी गाई दान करण्याच्या संकल्पास वाढदिवसाचे औचित्यसाधून प्रारंभ
सातारा : सातारा जिल्हा प्राथमिक शिक्षक सहकारी बँकेचे माजी चेअरमन, शिक्षक संघाचे नेते, बलवंत फाउंडेशनचे प्रणेते,समाजसेवी व्यक्तिमत्त्व बलवंत पाटील यांचा वाढदिवस दहिवडी येथे विविध कार्यक्रमांनी उत्साहात पार पडला.
यावेळी बलवंत पाटील यांनी सौ.प्रतिभा पाटील, कु.चारुशीला पाटील,सचिन शिंगाडे,सुशील शिंगाडे यांचेसह सहकुटुंब फलटण, आंधळी,दहिवडी येथे ग्रामदैवत तसेच विविध देवतांचे दर्शन घेतले. त्यानंतर त्यांनी आंधळी टाकेवाडी येथील सुमारे एकवीस शेतकर्‍यांना गीर जातीच्या गाईंचे वाटप केले. व एक हजार गाई वाटप संकल्पास प्रारंभ केला.
त्याअगोदर महिलांनी गाईंचे पूजन केले.यावेळी बोलताना बलवंत पाटील म्हणाले, ज्या दुधाला आपण अम्रूत समजतो त्या दुधापासून आज मोठ्या प्रमाणात विविध आजार पसरू लागले आहेत त्याचे प्रमुख करण दुग्ध उत्पादनाच्या वाढत्या स्पर्धेत देशी तसेच गीर जातीच्या गाईंचा वापर कमी झाला आहे. हे सर्व थांबविण्यासाठी समाजातील दुर्लक्षित शेतकर्‍यांचे जीवनमान उंचाविण्याचा आपला प्रयत्न आहे. त्यासाठी गीर जातीच्या एक हजार गीर जातीच्या गाई दान करण्याचा आपला संकल्प आहे. यामाध्यमातून मिळणारे दुध,शेण,गोमूत्राचा सेंद्रिय शेती तसेच औषध निर्मिती करण्यासाठी उपयोग करणार असल्याची माहिती त्यांनी दिली तसेच या गाई टप्प्याटप्प्याने वाटप केले जाणार आहे अशी माहिती दिली.
बलवंत पाटील यांच्या वाढदिवसानिमित्त दहिवडी येथे महिलांचा हळदीकुंकू कार्यक्रम आयोजित करण्यात आला .यावेळी सुमारे पाच हजार महिलांना वाण म्हणून सेंद्रिय गुळ वाटप करण्यात आले. दरम्यान वाढदिवसानिमित्त बलवंत पाटील यांना प्रत्यक्ष भेटून तसेच दुरध्वनीवरून विविध मान्यवरांनी शुभेच्छा दिल्या यामध्ये खा.विजयसिंह मोहितेपाटील, आ.जयकुमार गोरे, माजी आयुक्त प्रभाकर देशमुख,चंद्रकांत दळवी,शिक्षक संघाचे नेते संभाजीराव थोरात, माजी डेप्युटी सीईओ टी.आर.गारळे ,बाळासाहेब तांभारे,बाळासाहेब सावंत, नगराध्यक्षा सौ.साधना गुंडगे, सतीश जाधव,डॉ. काशीद,तेजस पवार,सुनील पोळ , जि.प.सदस्य अरुण गोरे,दादासाहेब काळे,शैक्षणिक, सामाजिक, राजकीय तसेच विविध क्षेत्रातील मान्यवरांनी बलवंत पाटील यांना वाढदिवसाच्या शुभेच्छा दिल्या. कार्यक्रमाचे सूत्रसंचालन व संयोजन बलवंत फाऊंडेशनचे सर्व अधिकारी ,पदाधिकारी ,कर्मचार्‍यांनी केले.