म्हासुर्णे : (तुषार माने ,म्हासुर्णे प्रतिनिधी )खटाव तालुक्यातील चोराडे येथे विविध विकासकामांचे भूमिपूजन सोहळा गुरुवार दि.७ रोजी संध्या ५.३० वाजता कराड उत्तरचे आमदार मा.बाळासाहेब पाटील यांच्या शुभहस्ते होत संपन्न होत आहे.
या कार्यक्रमाचे अध्यक्ष माजी आमदार प्रभाकर घार्गे भूषविणार असून समाजकल्याण सभापती शिवाजीराव सर्वगोड,पंचायत समिती सभापती सौ.कल्पना मोरे,पं.स.उपसभापती संतोष साळुंखे, मार्केट कमिटी सभापती सी.एम.पाटील, माजी जि.प.अध्यक्षा भाग्यश्री भाग्यवंत,माजी समाजकल्याण सभापती मानसिंगराव माळवे ,माजी पंचायत समिती उपसभापती चंद्रकांत पाटील,
पंचायत समिती सदस्या रेखा घार्गे, पंचायत समिती सदस्या जयश्री कदम आदि उपस्थित राहणार आहेत.
तरी आ.बाळासाहेब पाटील यांच्या प्रयत्नातुन व निधीतुन जोतिबा मळ्यातील आडवाट अोढयावर विशेष घटक योजनेतून १७ लाखांचा साकव पूल तसेच गावामध्ये विठ्ठल मंदिरापासुन कोंडी दाजी घरापर्यंत ३ लाखाचा डांबरीकरण रस्ता या कामांचे भूमीपुजन होणार आहे.
तरी पुसेसावळी जिल्हा परिषद गटातील व चाेराडे गावातील पदाधिकारी ,कार्यकर्ते तरुणवर्ग, महिला व समाजातील सर्व घटकांनी कार्यक्रमास उपस्थित रहावे,
असे आवाहन राष्ट्रवादी काँग्रेस पार्टी चाेराडे यांच्यावतीने करण्यात आले आहे.
