रोटरी क्लब साताराचा सेवाभाव अनुकरणीय : अजित मुथा

सातारा : 74 वर्षाची परंपरा असलेल्या रोटरी क्लब ऑफ सातारा या संस्थेने सातत्याने राबवलेले अनेक सामाजिक उपक्रम पाहता या संस्थेने जपलेला सेवाभाव निश्‍चितच अनुकरणीय आहे असे उद्गार नामवंत ज्येष्ठ इंडस्ट्रियालिस्ट अजित मुथा यांनी काढले.
रोटरी क्लब ऑफ सातारा या संस्थेच्यावतीने व्यावसाय सेवा पुरस्कार प्रदान कार्यक्रमात सचोटीने व्यावसाय करत यशस्वी झालेल्या तसेच व्यवसायाबरोबरच सामाजिक सेवा उपक्रमाव्दारे सेवा वृत्तीने कार्य करणार्‍या विविध क्षेत्रातील खालील 11 व्यक्तीना रोटरी व्यवसाय सेवा पुरस्काराने सन्मानीत करण्यात आले.
गुरुप्रसाद सारडा (व्यापार, बँकींग), अनिल काटदरे (इंडस्ट्री), शरद काटकर (पत्रकारीता), शेखर हसबनीस (कला), नेहा जोशी (कंपनी सेक्रेटरी), दीपक पाटील (बांधकाम), डॉ. संदीप काटे (क्रिडा). हेमा सोनी (अंधकल्याण), सागर भोसले (हॉटेलिंग), रवी बोडके (सामाजिक कार्य), रवींद्र पवार (कामगार कल्याळ) अशा 11 मान्यवरांना शाल, श्रीफळ, मानपत्र, स्मृतिचिन्ह देवून गौरविण्यात आले. प्रोजेक्ट चेअरमन आनंद गुरव यांनी प्रास्ताविक केले. रोटरी अध्यक्ष प्रद्युम्न आगटे यांनी रोटरीची माहिती दिली.
डॉ. रोहन पाटील यांनी आभार मानले. कार्यक्रमाचे सुत्र संचालन रेश्मा वाळींबे यांनी केले. सदरहू कार्यक्रमाकरिता सर्व रोटरीचे मेंबर्स व सातारा शहरातील सर्व मानयवर व तसेच पुरस्कार प्राप्त कुटुंबीय उपस्थित होते.
कार्यक्रमास सुनील सपकाळ, अनिरुध्द दोशी, नितीन माने, धनंजय देवी, सहकार्य लाभले.