सज्जनगड किल्ल्यावरून पडून एकाचा मृत्यू

सातारा: सज्जनगड, ता. सातारा येथील किल्ल्यावरून पडून एका युवकाचा मृत्यू झाल्याची घटना आज सकाळी उघडकीस आली. तब्बल चोवीस तासानंतर मृतदेह दरीतून बाहेर काढण्यात सातारा तालुका पोलीस ठाण्याच्या कर्मचार्‍यांना यश आले.
याबाबत पोलिसांनी दिलेली माहिती अशी की, काल सोमवारी जनार्दन शिवाजी मांडवे (वय 35), रा. निगडी वंदन, ता. सातारा आणि रोहित हिंदुराव घाडगे (वय 24) रा. धोंडेवाडी, ता. सातारा हे दोघे दुचाकीवरून सज्जन गड किल्ल्यावर फिरायला गेले होते. दुपारी 12 वाजण्याच्या दरम्यान जनार्दन शिवाजी मांडवे हा युवक लघुशंकेसाठी आडबाजूला गेला असता पाय घसरून दरीत पडला. या घटनेने घाबरलेला जनार्दन शिवाजी मांडवे हा दुचाकीवरून घरी येऊन झोपला. या घटनेची माहिती आज सकाळी त्यांनी नातेवाईकांना दिल्यानंतर याबाबतची माहिती सातारा तालुका पोलीस ठाण्यात देण्यात आली. पोलिसांनी दरीत उतरून मृतदेह बाहेर काढून पोस्टमार्टमसाठी येथील जिल्हा रुग्णालयात पाठवून दिला.