योगविद्याधामतर्फे योगशिक्षण उजळणी वर्ग व योगोपचार संपन्न

साताराः योगविद्याधाम सातारा शाखेतर्फे रविवार दि. 24 मार्च रोजी सकाळी 10 ते 5 यावेळात नाशिकचे योगतज्ञ प्रविणजी देशपांडे यांच्या मार्गदर्शनाखाली योगशिक्षक उजळणी वर्ग घेण्यात आला.
हा वर्ग दोन सत्रामध्ये झाला. दुपारच्या सत्रामध्ये प्रवीणजी अल्पमुदतीच्या वर्गाचेही प्रशिक्षण दिले. त्यामध्ये कार्यालयीन योग, नेत्र रक्षा साधना, ओंकार व योगनिद्रा असे विषय हेाते.
संध्याकाळी 6 ते 8 यावेळेत त्यांनी ठोके हॉस्पीटलमध्ये रूग्णतपासणी केली.त्यांनी निसर्गोपचाराचे व योगाचे मार्गदर्शन केले. 15 ते 20 रूग्ण होते.
प्रवीणजी हे आरोग्यधाम व निसर्गोपचाराचे नाशिक येथील केंद्रसंचालक आहेत. या उजळणी वर्गासाठी 50 योगशिक्षकांनी लाभ घेतला.
या कार्यक्रमासाठी लोकराजा राजर्षी शाहू शिक्षण संस्थेचे आदर्श विद्यामंदिर ही शाळा नरेंद्र युवराज पवार यांनी उपलब्ध करून दिली त्यामुळे खूपच सोय झाली. सर्व कार्यक्रम यशस्वी होण्यासाठी शाखेचे पदाधिकारी, सदस्य व योगशिक्षकांचे सहकार्य लाभले.