डॉ. मनोज माने यांना समाजभूषण पुरस्कार

वडूज : नढवळ (ता. खटाव) येथील सुपुत्र व मुंबई महानगरपालीकेच्या पशुवैद्यकीय आरोग्य विभागातील वरिष्ठ अधिकारी डॉ. मनोज तात्यासाहेब माने यांना ठाणे येथील धनगर समाज उन्नती मंडळाच्या वतीने समाजभूषण पुरस्कार देवून त्यांचा मान्यवरांच्या हस्ते विशेष गौरव करण्यात आला.
संस्थेच्या रौप्यमहोत्सवानिमित्त एन.के.टी. कॉलेज सभागृहात झालेल्या शानदार कार्यक्रमात माजी ग्रामीण विकास मंत्री आण्णासाहेब डांगे यांच्यासह मान्यवरांच्या उपस्थितीत माने यांना पुरस्कार वितरण करण्यात आले. यावेळी आरक्षण लढ्याचे प्रमुख निवृत्त पोलीस अधिकारी मधुकर शिंदे, आ. निरंजन डावखुरे, महापौर मिनाक्षी शिंदे, बाबासाहेब दगडे, नगरसेवक विशाखा खताळ, अमित कारंडे, योगेश जानकर, मोनिका महानवर, प्रा. बाबासाहेब माने आदी मान्यवर उपस्थित होते. यावेळी डॉ. केशव काळे, सुमित लोखंडे, प्रियांका पाटील आदिंचाही विशेष गौरव करण्यात आला. डॉ. माने यांनी नोकरीबरोबरच सामाजिक बांधिलकीस प्राधान्य दिले आहे. मुंबई-ठाणे परिसरात होणार्‍या सर्वच सामाजिक उपक्रमात त्यांचा सक्रीय सहभाग असतो. तर आपल्या दिवंगत वडिलांच्या स्मरणार्थ ते गेली 10 वर्षे नढवळसारख्या ग्रामीण भागातस सर्वरोग निदान शिबीर तसेच वडूज येथे पशुचिकित्सा शिबीराचा कार्यक्रम दरवर्षी आयोजित करत असतात. या पुरस्काराबद्दल त्यांचे खटाव-माण तालुक्यातील अनेक मान्यवरांनी अभिनंदन केले.