पक्ष्यांसाठी पिण्याचे पाणी; चिमुकल्यांचा पुढाकार

कराड: उष्णतेचा पारा दिवसेंदिवस वाढत चालला असून जर मानव गर्मीने एवढे हैराण होत असतील तर पक्षी, प्राण्यांचे काय? त्यातच दुष्काळाच्या तीव्र झळा बसत असल्याने पाण्यासाठी पक्षी भटकत असताना दिसुन येत आहेत. यासाठी कराडत काही ठिकाण चिमुकल्यांनी या चिमण्याजीवांसाठी पाण्याचे नियोजन केले आहे. घराशेजारी पाणी ठेवल्याने पक्षांना गारवाही मिळत आहे. व तहानही भागतज आहे.
जर तुम्ही ग्रामीण भागात राहात असाल तर तुमच्या अंगणात असणार्‍या झाडंावर चिमणी, कावळा आदी छोटे प्राणी इकडुन तिकडुन पंख फडकवुन फिरत असतील. तर त्यांच्यासाठी अंगणात पाणी पिण्यासाठी प्लॅस्टिकचा पाण्याचा मग ठेवा.
नवीन मग आणण्याची गरज नाही, घरात असलेले जुनेे मग चालतील. त्याच वाठीत घरातील थेडे धान्यही टाकुन ठेवा. जर शहरी भागात रहात असाल, तर गच्चीवर चिमणी पाखरांसाठी हेच सर्व काही करा. बाहेर फिरायला गेल्यावर पक्षी, प्राणी दिसलेच, तर त्यांना खाऊ घालायला विसरू नका.
मानवाच्या राहणीमानाच्या बदलत्या संकल्पामुळे पक्षांची संख्या कमी होऊ लागली आहे. पक्ष्यांमध्ये वाढ होण्यासाठी एवढी मदतही पुरेशी ठरेल. पक्ष्यांना यामुळे दिलासा मिळेल, पक्ष्यांच्या जीवाची तगमग थांबेल आणि आपल्याही मनाला काहीतरी, कोणसाठी तरी करू शकलो, याचा आनंद मिळेल. घराच्या चारही बाजुने पाणी भरून छोटया वाटया, प्लॅस्टिकच्या बॉटल कापुन अथवा प्लेटमध्ये पाणी भरून ठेवा.
पाण्यासाठी भटकत असलेल्या पक्ष्याला हा मोठा दिलासा ठरत आहे. घरात असणार्‍या खेळण्यातील वाटयंामधुन चिमुकले पाणी भरून ठेवत आहेत. त्यामुळे अंगणात चिमण्यांची चिवचिवही राहणार. त्यामुळेच या आदर्शवत उपक्रमांचे कौतुक होत असुन समाजातील अन्य घटकांनीही असे उपक्रम राबवण्याचे आवाहन केले जात आहे.