कोल्ड स्टोरेजच्या मालकावर दबावतंत्र निर्माण करण्यासाठी माथाडी कामगारांचे उपोषणाचे हत्यार

उपोषण करणारे कामगार कोल्ड स्टोरेज कंपनीचे नसताना पगाराची मागणी करणे चुकीची
कामगार उपोषण प्रकरणी कंपनीच्या मालकाने प्रसिध्द केले निवेदन
वाई : येथील एमआयडीसीमध्ये असणार्‍या- कोल्ड स्टोरेजमधील मालाची चढउतार करण्यासाठी आमच्या हमालांचाच वापर करावा अशी दमदाटी करत माथाडी संघटनेच्या नावाखाली संबंधित कोल्ड स्टोरेजच्या मालकाला वेठीस धरून काम थांबवल्याने मालाचे आर्थिक नुकसान होवूनही कोल्ड स्टोरेजच्यामालकावर दबाव तंत्र वापरण्यासाठी बेकायदेशीर कोल्ड स्टोरेज कंपनीचे कामगार असल्याचे सिद्ध करण्यासाठी औद्यगिक वसाहतीतील माथाडी कामगारांनी आमरण उपोषणाचे हत्यार उपसले आहे. तसेच दमदाटी करून कोल्ड स्टोरेजचा माल उतरवू न दिल्याने माथाडी कामगारांच्या दहा जणांच्या विरोधात वाई पोलिस स्टेशनमध्ये तक्रार दाखल करण्यात आली आहे. या तक्रारीच्या निमित्ताने माथाडी संघटनेच्या नावाखाली होत असलेल्या मुस्कटदाबीचा प्रकार पुन्हा ऐरणीवर आला आहे.
कोल्ड स्टोरेजमध्ये मंगळवार दि. 5 मार्च रोजी ग्रीन पीस व बटर आदी माल तेथील कामगारांमार्फत पिकअप गाडीत भरत असताना दहा जणांनी तेथे येऊन सदरचा माल हमालांशिवाय भरायचा नाही असे सांगत कोल्ड स्टोरेजचे मालक व कामगारांना दमदाटी करून काम बंद पाडले. त्यामुळे कोल्ड स्टोरेजच्या मालक पी. डी. शहा यांनाआर्थिक नुकसान सोसावे लागले होते, माथाडी कामगार संघटनेच्या नावाखाली वाई औद्योगिक वसाहतीत कंपनीच्या मालकांना दहशतीखाली वावरावे लागत आहे. ज्या कामगारांनी आमरण उपोषण केले आहे, ते कामगार पी.डी. शहा यांच्या कोल्ड स्टोरेज या कंपनीचे कामगार नसून ज्या-ज्या वेळेस या माथाडी कामगारांकडून काम करून घेतले आहे, त्याचवेळी त्यांचा मोबदला दिलेला आहे, उपोषण कर्त्या कामगारांचा कोल्ड स्टोरेजच्या कंपनीशी कसलाही संबंध नसताना चार महिन्याचा पगार बाकी असल्याचा कांगावा केला जात आहे. संपूर्ण एमआयडीसी मध्ये अनेक कंपनीमधून या कामगारांना दहशतीचे वातावरण पसरवित असल्याने काम मिळणे बंद झाले आहे, तसेच कोल्ड स्टोरेजच्या कंपनीमधील रजिस्टर मध्ये जबरदस्तीने कामगारांची नावे घुसविण्याचा प्रयत्न चालविला आहे त्याला यश कदापि येणार नाही. जे कामगार कोल्ड स्टोरेजच्या कंपनीचे नाहीत त्यांचा आमच्या कंपनीसमोर उपोषण करणे म्हणजे निव्वळ दबाव वाढवीण्यासाठी केलेला खटाटोप आहे, तरी अशा प्रवृत्तीना वेळीच थांबविणे गरजेचे असून हा चुकीचा प्रकार असाच होत राहिला तर वाईच्या औद्यीगिक वसाहतीत कंपनी चालविताना मालकांना अवघड होवून बसेल या झळ वाई परिसरातील हातावर पोट असणार्या कामगारांना बसेच याची नोंद घ्यावी.
स्थानिक महिला व पुरुषांना कामासाठी प्राधान्य देत अनेक लहानमोठे उद्योग वाई एमआयडीसीत कार्यरत आहेत. अनेकांचे संसार त्यावर अवलंबून आहेत. मात्र काही अपप्रवृत्तींमुळे मालक आणि कामगार यांच्यातील सौहार्दाचे वातावरण बिघडत आहे. माथाडी संघटनेच्या नावाखाली मालकांना वेठीस धरून पैसे उकळण्याचे प्रकार घडत असल्याने उद्योगक्षेत्रात चिंतेचे वातावरण आहे. आमच्याच हमालांना काम दिले पाहिजे अन्यथा उपोषण करून कंपनी बंद पाडू अशी भीती वारंवार घातली जात आहे.
अनेक उद्योगांना माथाडी संघटनेकडून वारंवार त्रास दिला जात असल्याने असे उद्योग स्थलांतरित झाल्यास अनेकांवर उपासमारीची वेळ येऊ शकते. काही अपप्रवृत्तींमुळे कष्टाळू व प्रामाणिक स्थानिक भूमिपूत्र रोजगारापासून वंचित राहणार आहेत. गरीब व गरजू महिलांनाही रोजगाराला मुकावे लागणार आहे.असेही दिलेल्या प्रसिद्धी पत्रकात म्हटले आहे.
माथाडीच्या नावाखाली एमआयडीसीतील कंपनी मालकांना वेठीस धरणे, असे प्रकार वारंवार घडू लागले तर त्याचा वाईट परिणाम होऊन अनेकांच्या रोजीरोटीचा प्रश्न निर्माण होणार आहे. अशा प्रवृत्तींना पायबंद घालून एमआयडीसीतील उद्योगधंद्यांना संरक्षण दिले तर एमआयडीसीत विविध प्रकारच्या कंपन्या टिकून राहतील व स्थानिकांना उद्योग धंदे मिळतील.