जाचक अटी व निकषांमुळे शेतकरी कर्जमाफी पासून वंचितः आ. बाळासाहेब पाटील

कराडः राष्ट्रवादी काँग्रेस पार्टीचे अध्यक्ष देशाचे माजी कृषिमंत्री आदरणीय शरद पवारसाहेबांनी सरसकट कर्जमाफी करून देशातील शेतकर्‍यांसाठी ऐतिहासिक निर्णय घेतला, मात्र सध्याच्या सरकारने केलेल्या कर्जमाफीमध्ये जाणीवपूर्वक जाचक अटी घातल्याने कर्जबाजारी झालेला शेतकरी कर्जमाफीनासून वंचित राहिला असल्याचे मत आमदार बाळासाहेब पाटील यांनी व्यक्त केले.
ते सातारा लोकसभा मतदारसंघाचे राष्ट्रवादी काँग्रेसचे राष्ट्रीय काँग्रेस आणि मित्र पक्ष आघाडीच्या अधिकृत उमेदवार श्रीमंत छत्रपती उदयनराजे भोसले यांच्या प्रचारार्थ नागठाणे ता. जि. सातारा येथे आयोजित केलेल्या प्रमुख कार्यकर्त्यांच्या मेळाव्याप्रसंगी बोलत होते. यावेळी राष्ट्रवादी काँग्रेसचे अध्यक्ष देवराज पाटील, लालासाहेब पवार, चंद्रकांत जाधव, यशवंत साळुंखे, सातारा जिल्हा परिषद सदस्या सौ.भाग्यश्री मोहिते, माजी जिल्हा परिषद सदस्या सौ सुवर्णाताई साळुंखे, संचालक पैलवान संजय थोरात यांची प्रमुख उपस्थिती होती.
आमदार बाळासाहेब पाटील पुढे म्हणाले की, स्वातंत्र्या नंतरच्या काळामध्ये स्वर्गीय राजीव गांधी यांच्या नेतृत्वाखाली काँग्रेस विचारसरणीने इरिगेशन, शिक्षण, विविध प्रकारची इलेक्ट्रॉनिक माध्यमे यासारख्या सुविधा देशांमध्ये निर्माण झाल्या व देश महासत्ता होण्याच्या मार्गाने वाटचाल करू लागला परंतु गेल्या पाच वर्षांमध्ये सरकारच्या काळामध्ये देश पाच वर्षे मागे गेला असल्याचे आमदार बाळासाहेब पाटील बोलत होते.
या मेळाव्याचे सूत्रसंचालन अजित साळुंखे यांनी प्रास्ताविक बाळासाहेब साळुंखे केले व आभार मनोहर साळुंखे यांनी मानले. मेळाव्यास बाळकृष्ण साळुंखे नाना, माधवराव जाधव, श्रीरंग गोरे, मनोहर साळुंखे, अधिकराव पाटील, विष्णुपंत पाटील- साळुंखे , रघुनाथ साळुंखे आप्पा, मोहन जाधव सर, संजय झोरे, तसेच नागठाणे व पंचक्रोशीतील सर्व पदाधिकारी , ग्रामस्थ व तरुण युवक उपस्थित होते.