सातार्‍याला फक्त कॉलर उडविणार्‍या खासदाराची गरज नाही ः डॉ. अतुल भोसले

कराड ः गेल्या दहा वर्षात सातारा लोकसभा मतदारसंघाचा विकास ठप्प झाला आहे. खासदार निधीतून होऊ शकणारी शेकडो कामे रेंगाळली आहेत. परंतु, विद्यमान खासदार फक्त गाणी म्हणून आणि कॉलर उडवून लोकांचे मनोरंजन करत आहेत. आता जनतेला अशा खासदाराची गरज नसून आपले प्रश्‍न सोडविणार्‍या लोकप्रतिनिधीची गरज असल्याची टिका भाजपचे प्रदशे चिटणीस ना. डॉ. अतुल भोसले यांनी करून मिशी व टोपीवाले महायुतीचे उमेदवार ना. नरेंद्र पाटील यांना निवडून देण्याचे आवाहन त्यांनी केली.
मुंढे ता. कराड येथे शिवसेना, भारतीय जनता पार्टी, रिपाई व मित्रपक्ष महायुतीचे उमेदवार ना. नरेंद्र पाटील यांच्या प्रचारार्थ आयोजित सभेत ते बोलत होते. यावेळी महायुतीचे उमेदवार ना. नरेंद्र अण्णसाहेब पाटील, राज्य सहकार परिषदेचे अध्यक्ष ना. शेखर चरेगावकर, भाजपा जिल्हाध्यक्ष विक्रम पावसकर, शिवसेना संपर्कप्रमुख गायकवाड, तालुकाप्रमुख नितीन काशीद, उपजिलहाप्रमुख रामभाऊ रैनाक, आदींची प्रमुख उपस्थिती होती.
ना. डॉ. अतुल भोसले म्हणाले, लोकसभेची ही निवडणूक महत्वाची आहे. गेल्या पाच वर्षात पंतप्रधान नरेदद्र मोदींनी सर्वसामान्यांच्या डोळ्यांतील अश्रु पुसण्याचे काम केले. ते शेतकर्‍यांचे भल करून देशाची प्रगती साधत आहेत. अल्पभुधारक शेतकर्‍यांना पंतप्रधान विकास सन्मान योजनेअंतर्गत सहा हजार रुपयांची मदत त्यांनी दिली आहे. ते दूरदृष्टी असणारे पंतप्रधान आहेत. या सरकारचा सिंचनावर भर आहे. राज्यातील पाणी प्रश्‍न सोडविण्यासाठी अतिरिक्त निधी मुख्यमंत्री देवेंद्र फडणवीस यांनी दिला आहे. मराठा समाजला आरक्षण देण्याचा निर्णय या सरकारने घेतला आहे. न्यायालयात आरक्षण टिकण्याची भूमिका सरकारची होती, याचाच फायदा मराठा समाजातील तरुणांना नोकरीसाठी होणार आहे. केंद्रात नरेंद्र मोदी सरकार व राज्यात देवेंद्र फडणवीस, उध्दव ठाकरे यांच्या युतीचे सरकार आहे. यामुळे या लोकसभा मतदार संघात नरेंद्र पाटील यांना मोठ्या मताधिक्क्याने निवडून द्यावे. जिल्हा परिषद, पंचायत समितीला आपण कमी पडलो ही चूक दुरूस्त करण्याची संधी आता लोकसभा निवडणुकीच्या माध्यमातून आली आहे, असेही ते म्हणाले.
शेखर चरेगावकर म्हणाले, माजी मुख्यमंत्री मापे काढण्याची काम करत आहेत. मी तर त्यांना खुले जाहीर आवाहन देतो की कोणत्याही चौकामध्ये जनतनेे प्रश्‍न विचार द्या मी आमच्या सरकारने काय केले ते सांगतो आणि तुम्ही साठ वर्षात काय केले याचे उत्तर द्या. जनतेच्या कोणत्याही प्रश्‍नाला उत्तर द्यायला मी तयार आहे. विरोधक मात्र जनतेची दिशाभूल करत आहेत. यामुळे येणार्‍या विधानसभेला विखे पाटलासांरखे तेही पक्ष प्रवेश करती, असेही ते म्हणाले. विरोधक घरोघरी जाऊन दहशत पसरवत आहे की मतदान कोणाला केल हे दिसणार आहे. मात्र सुज्ञ मतदारांनी घाबरू नये, मतदान हे गुप्त पध्दतीनेच होणार आहे. राष्ट्राची, राज्याची व जिल्ह्याची प्रगती करायची असेल तर महायुतीचे उमेदवारांना निवडून द्या. हितचिंतक बनून न राहता सक्रीय कार्यकर्ता बनून महायुतीचे उमेदवार ना. नरेंद्र पाटील यांना निवडून देण्यासाठी सर्व कार्यकर्त्यांनी प्रयत्न करावेत, असे आवाहनही त्यांनी केले.
नरेंद्र पाटील म्हणाले, विद्यमान खासदारांनी मुलाखतीमध्ये देश पातळीवर, जिल्हा पातळीवर चर्चा न करता, गांभीर्याने न बोलता कॉलर उडवून, गाणी म्हणून जनतेची करमणूक केली. या मुलाखतीत त्यांनी 17 हजारा कोटी रुपये सातार्‍याच्या विकासासाठी आणले, असे सांगितले. मात्र खासदारकीचा निधी 25 कोटीचा असतो, यातील फक्त 12 कोटीचा वापरा उर्वरित परत गेला आहे. अशी जनतेची दिशाभूल करून 17 हजार कोटीचा निधी आणल्याचे ते सांगत आहेत. जिल्ह्यातील रस्त्याचा विकास करण्याचा निधी केंद्रीय मंत्री नितीन गडकरी व ना. चंद्रकांतदादा पाटील यांच्या माध्यमातून झाला. शिवसेनेचे मंत्री विजय शिवतारे यांनी जिल्ह्यात वेगवेगळी विकासकामे आणली. ह्या खासदारांनी मात्र साध पत्र ही दिल नाही. जिल्हा सुजाल सुफलाम करण्यासाठी ह्यांनी प्रयत्न केले नाहीत. जिल्ह्याला टोलमुक्ती दिली नाही. जिल्ह्यात पर्यटनला संधी असतानाही पर्यटनस्थळांचा विकास केला नाही. खासदारकी हे एक जबाबदारी आहे, हे ते विसरले आहेत. जिल्ह्याच्या दुष्काळातील भागातील घरांसमोर तुळशी वृंदावन न दिसता पाण्यासाठी ड्रम ठेवलेले दिसत आहेत. ह्यांना पाणी देऊन हे ड्रम दूर करण्याचे कामही त्यांना जमले नाही. निवडणुकीपुरतेच भूमाता संघटना उभी करून शेतकर्‍यांचा पाणी प्रश्‍न सोडवण्याचे आश्‍वासन द्यायचे अन् निवडून आल्यानंतर पुण्याला निघून जायच, हे काम ते करत आहेत. कराड-चिपळूण रेल्वे मार्गाचे काम अद्याप सुरू नाही. याबाबत एकदाही त्यांनी सभागृहात पाठपुरावा केला नाही.
यावेळी उपतालुकाप्रमुख काकासाहेब जाधव, संजय चव्हाण, हर्षवर्धन मोहिते, भीमराव कळंत्रे, प्रमोद पाटील, सिध्देश्‍वर पाटील, हरिभाऊ पाटील, सुदर्शन पाटस्कर, राजेंद्र पाटील, अविनाश पवार, जगन्नाथ काटकर यांच्यासह वारूंजी, पुढे, गोटे, खोडशी, वनवासमाची, केसे परिसरातील महायुतीतील सर्व पक्षांचे कार्यकर्ते मोठ्या संख्येने उपस्थित होते. सरपंच रमेश लवटे यांनी आभार मानले.