हिंगणे येथे श्री जानुबाई देवीच्या यात्रेनिमित्त विविध कार्यक्रमाचे आयोजन

वडूज : हिंगणे (ता.खटाव) येथील ग्रामदैवत श्री जानुबाई देवीच्या यात्रेनिमित्त शनिवार दि.18 व रविवार दि.19 पर्यंत विविध कार्यक्रमाचे आयोजन केल्याची माहिती यात्रा कमिटीतर्फे देण्यात आली.
शनिवार दि.18 रोजी सकाळी सहा वाजता श्री जानुबाई देवीस अभिषेक,दुपारी बारा वाजता देवीस नैवेद्य व आरतीनंतर गझी मंडळ शेवरी यांचा कार्यक्रम होणार आहे.रात्री नऊ वाजता श्री जानुबाई देवीची पालखीतून भव्य मिरवणूक व छबिना सोबत सनई ताफा व फटाक्यांची आतषबाजी,रात्री अकरा वाजता ऑर्केस्ट्रा तुफान कोल्हापूर यांचा बहारदार कार्यक्रम होणार आहे.
रविवार दि.19 रोजी सकाळी नऊ वाजता तानाजीराव भोसले,लावण्यवती सोनम कोल्हापूरकर यांचा तमाशा होणार आहे.दुपारी बारा वाजता देवीची महाआरती,दुपारी एक वाजता देवीची पालखी व रथातून भव्य मिरवणूक सोबत हलगी पथक निमगाव पाटी व गझी मंडळ शेनवडी ,सायंकाळी पाच वाजता कुस्त्याचे जंगी मैदान सहा वाजता देवीचा महाप्रसाद (वांग भाकरी),रात्री नऊ वाजता तानाजी भोसले व लावण्यवती सोनम कोल्हापूरकर याचा तमाशा होणार आहे. तसेच दि-22रोजी संकष्टी चतुर्थी निमित्त सायंकाळी सात वाजता महाप्रसाद दिला जाणार आहे.
तरी हिंगणे व पंचक्रोशीतील भाविक व यात्रा प्रेमींनी लाभ घ्यावा असे आवाहन समस्त ग्रामस्त व यात्रा कमिटीने केले आहे.