वाई: वाई तालुका हा हळदीच्या पिकासाठी पूरक असून या तालुक्यातील अनेक गावांमधून हळदी पिकाचे मोठ्या प्रमाणात उत्पन्न घेतले जाते, या तालुक्यातील जमीन सुपीक असल्याने ऊसा बरोबर हळदी पिकाकडे शेतकर्यांचा कल दिसून येतो.वाई तालुक्यातून महराष्ट्राची भाग्यरेषा कृष्णा नदी व धोम धरणाचे डावे-उजवे कालवे जात असल्याने लाभ क्षेत्रात पाण्याची मुबलगताअसल्याने हळदीचे पिक मोठ्या प्रमाणात घेतले जाते. शेतकरी मालाचा दर्जा उत्तम पद्धतीचा ठेवत असल्याने हळदीला संपूर्ण देशभरातून मागणी आहे, वाई-पाचगणी रस्त्यावर शहाबाग ग्रामपंचायतीच्या हद्दीत संपूर्ण रस्त्यावर या परिसरातील शेतकर्यांनी हळदीची पावडर विकण्यास ठेवलेली असते, त्याला पाचगणी महाबळेश्वरला येणार्या पर्यटकांची सुध्दा मोठी पसंती असल्याचे दिसून येते.
बाजार समितीमध्येहळदीचे व्यापारी हळद खरेदी करीत असल्याने शेतकर्यांना हाकेच्या अंतरावर बाजार पेठ उपलब्ध असल्याने शेतकर्यांचा वाहतूक खर्च वाचतो. त्यातच तालुक्यातील शेतकरी व्यापारयांकडून हवे तेव्हा पैसे उचलत असल्याने पिकासाठी खर्च करण्यासाठी शेतकर्यांना भांडवल सहज उपलब्ध होते. गेल्या पाच वर्षात दहा हजारांच्या वरती हळदीला भाव मिळाला आहे. तालुक्यात सोन्याचे पिक घेणार्या शेतकर्यांची कमी नाही.हे पिक स्पर्धात्मक असल्यानेच शेतकर्यांचा कल या पिकाकडे आहे. तसेच या पिकाचा बिवड हा दुसर्या घेणार्या पिकासाठी उत्तम प्रतीचा होत असल्यानेच हळदीचे उत्पन्न घेताना शेतकरी दिसत आहे. वाई तालुक्यात शहाबाग, खानापूर, ओझर्डे, पांडे, जोशिविहीर, बावधन, मेणवली, धोम या गावांमधून हळदीचे पिक मोठ्या प्रमाणात घेण्यात येते.
शेताचा बिवड चांगला तयार होतो व अंतर्गत पिक घेता येत असल्याने वाई तालुक्यातील शेतकरी हळद उत्पादन घेताना दिसत आहे. हळदी मध्ये- मिरची, गवार, काकडी, भेंडी ही नगदी पिके घेण्यात येतात. तसेच हळद निघाल्यानंतर दुसरे पिक चांगल्या प्रतीचे घेता येते.
वाईच पिवळं सोनं जातयं सातासमुद्रापलिकडे, वाईच्या हळदीला देशभरातून मागणी
RELATED ARTICLES
- Advertisment -