छत्रपती घराण्यावर केलेली टीका तुम्हाला शोभते का?

खा. रणजितसिंह निंबाळकरांकडून रामराजेंच्या टिकेचा खरपुस समाचार
फलटण – श्रीमंत रामराजे नाईक निंबाळकर यांनी फलटण मध्ये केलेल्या टिकेला माढ्याचे खासदार रणजितसिंह नाईक निंबाळकर यांनी खरपुस समाचार घेत ते म्हणाले, श्रीमंत रामराजे नाईक निंबाळकरांनी छत्रपती घराण्यावर केलेली टीका तुम्हाला शोभते का? वय वाढल्यामुळे भाषणात आपण जो डान्स केला. टीका करताना आपण त्यांना पिसाळलेली कुत्री म्हणला. आपल्यावर टीका केली तर आपण सहन करु शकत नाही.
श्रीमंत रामराजे यांना पाण्याच्या खात्यामध्ये राहुन समजले नाही आपल्या हक्काचे पाणी बारामतीला देताना यांना लाज वाटली नाही. आता जेव्हा सरकारने पाणी दुष्काळी भागाला माघारी देण्याचा निर्णय घेतल्यानंतर हे त्यामध्ये तांञिक गोष्टी काढुन लोकांचे नुकसान कसे होईल, हायकोर्टामध्ये मुद्दे कसे उपस्थित करता येतील अशा गृहनास्पद गोष्टी श्रीमंत रामराजे हे करीत आहे.मी या गोष्टीचा फलटण, खंडाळा, सांगोला, माळशिरस,पंढरपुर जनतेच्या वतीने निषेध करतो.खर तर अशा लोकांना रस्त्यावर जोडे मारले पाहिजे.यांना मतदारसंघातुन हाकलुन दिले पाहिजे हे लोक जनतेत राहुन जनतेबरोबर गद्दारी करणारी ही लोक तांञिक तृटी पुढे करुन हायकोर्टात कसे मांडता येईल.ज्या बारामतीकरांनी गळ्यात पट्टा बांधला आहे त्यांनी परत कस देता येईल अशा प्रवृत्तींचा मी जाहिर निषेध करतो आणि मी ठामपणे सांगतो की माढा मतदारसंघांला 7 टीएमसी पाणी वाढवुन मिळाले आहे प्रत्येक शेतकर्‍याला याचा लाभ होईल.कुठल्याही शेतकर्‍याला यापासुन वंचित ठेवणार नाही मी माढा मतदारसंघाचा खासदार म्हणून मी हे सांगतो.