विकास सेवा सोसायटी मार्फत चारचाकी वाहनकर्ज योजनेचा लाभ जिल्हयातील शेतकरी सभासदांनी घ्यावा ः सुनील माने

साताराः सातारा जिल्हा मध्यवर्ती सहकारी बँकेच्या पिंपरी शाखा सलग्न शंभूमहादेव विकास सेवा सोसायटी पिंपरी संस्थेचे सभासद हणमंतराव माधवराव कणसे यांना बँकेने नुकत्याच सुरु केलेल्या विकास सेवा सोसायटी मार्फत चारचाकी वाहन कर्ज योजनेतून कर्ज मंजूर करणेत आले आहे . बँकेचे संचालक नितीन पाटील यांचे हस्ते कर्जदार सभासदांना स्कॉर्पिओ वाहनाच्या चाव्या प्रदान करणेत आल्या.
यावेळी बँकेचे उपाध्यक्ष सुनिल माने म्हणाले बँकिंग क्षेत्रामध्ये तीव्र स्पर्धा असून बँकेने खाजगी बँकां प्रमाणे ग्राहकांना आधुनिक बँकिंग सेवा सुविधा उपलब्ध करुन दिल्या आहेत. शेतकरी सभासदांना स्वतःचे कुटुंबाकरिता व व्यवसायाकरिता चारचाकी वाहन खरेदी करता यावी यासाठी बँकेने विकास सेवा सोसायटी मार्फत हि सुरु केलेली असून या योजनेचा लाभ जिल्हयातील शेतकरी सभासदांनी घ्यावा असे आवाहन केले.
याप्रसंगी नितीन पाटील म्हणाले, सातारा जिल्हा बँक हि नेहमीच जिल्ह्यातील शेतकरी सभासदांना केंद्रबिंदू मानून त्यांच्या सर्वांगीण विकासासाठी काम करत आली आहे. यासाठी जिल्हा बँक जिल्ह्यातील शेतकर्‍यांना शेती व शेतीपूरक कारणासाठी विविध प्रकारचा कर्जपुरवठा अल्प व्याज दराने करते.
याप्रसंगी बँकेचे मुख्य कार्यकारी अधिकारी डॉ.राजेंद्र सरकाळे म्हणाले सातारा जिल्हा मध्यवर्ती बँक हि ग्रामीण भागातील तळागाळातील शेतकरी सभासदांपर्यंत पोहोचली असून जिल्हयामध्ये 318 शाखांच्या माध्यमातून ग्राहकांना अत्याधुनिक विविध प्रकारच्या सेवा देत आहे. यावेळी डॉ.राजेंद्र सरकाळे यांनी कर्जदार सभासद श्री.हणमंतराव कणसे यांना शुभेच्छा देवून विकास सेवा सोसायटी मार्फत चारचाकी वाहन कर्ज योजनेचा जिल्हयातील शेतकरी सभासदांनी लाभा घ्यावा असे आवाहन केले़.
कर्जदार हणमंतराव कणसे यांनी, जिल्हा बँकेने कमीत कमी कागदपत्रांत व कमीतकमी वेळेत कर्ज उपलब्ध करुन दिलेबद्दल बँकेचे आभार मानले. यावेळी बँकेचे संचालक दत्तानाना ढमाळ, राजेंद्र राजपुरे, बँकेचे सरव्यवस्थापकएम. व्ही.जाधव, राजेंद्र गाढवे, व्यवस्थापक राजेंद्र भिलारे , उपव्यवस्थापक नाना पवार, शिर्के, धुमाळ, बनसोडे तसेच विभागातील अधिकारी व सेवक उपस्थित होते.