उरुल लघू पाटबंधार्‍यांचे काम प्रगतीपथावर, आ. शंभूराज देसाईंनी दिली प्रत्यक्ष भेट

सातारा : उरुल,ठोमसे व बोडकेवाडी या तीन गांवाच्या हद्दीत असलेल्या उरुल लघू पाटबंधारे बंधार्‍याचे काम भूसंपादन केलेल्या खातेदारांना भूसंपादनाची रक्कम मंजुर न झाल्याने बर्‍याच वर्षापासून रखडले होते आ.शंभूराज देसाईंच्या सातत्याच्या पाठपुराव्यामुळे येथील शेतकर्‍यांच्या भूसंपादनाचा विषय त्यांनी युतीच्या शासनामार्फत मार्गी लावला असून या तलावाच्या कामांस प्रत्यक्षात सुरुवात देखील करण्यात येवून सदर बंधार्‍याचे काम चांगलेच प्रगतीपथावर आले आहे. प्रगतीपथावर असलेल्या कामाची आ.शंभूराज देसाईंनी बंधार्‍याच्या ठिकाणी जावून प्रत्यक्ष पहाणी केली व सदरचे काम लवकरात लवकर पुर्ण करुन या बंधार्‍याची घळभरणी करुन पुढील पावसाळयात पाणीसाठा करण्याचे नियोजन करा तसेच शेतकर्‍यांना बंधार्‍यातील पाणी देणेसंदर्भात बंदिस्त पाईपलाईनचा लवकरात लवकर सर्व्हे करा अशा सक्त सुचना आ. शंभूराज देसाईंनी संबधित विभागाचे अधिकारी आणि बंधार्‍याचे ठेकेदार यांना दिल्या.
राज्याचे तत्कालीन जलसंधारणमंत्री ना.राम शिंदे यांचेकडे आपली राजकीय ताकद वापरुन गतवर्षी पावसाळी अधिवेशनामध्ये आ.शंभूराज देसाईंनी बैठक घेतल्याने उरुल, ठोमसे व बोडकेवाडी या गांवातील शेतकर्‍यांच्या भूसंपादनाचा अनेक वर्षापासून प्रलंबीत राहिलेला विषय मार्गी लागला.आ.शंभूराज देसाईंच्या सातत्याच्या प्रयत्नामुळे या तलावाच्या कामांस 28 कोटी 32 लाख रुपयांची सुधारित प्रशासकीय मान्यता मिळाली यामध्ये शेतकर्‍यांच्या भूसंपदनाकरीता 6 कोटी 13 लाख 99 हजार रुपयांची रक्कम मंजुरही करण्यात येवून भूसंपादनाची रक्कम शेतकर्‍यांच्या बँकखाती जमाही करण्यात आली. यामुळे येथील शेतकर्‍यांच्यामध्ये आनंदाचे वातावरण आहे.बहूतांशी शेतकर्‍यांच्या भूसंपादनाच्या रक्कमा बँक खाती जमा झालेनंतर शेतकर्‍यांच्या आग्रहास्तव आ.शंभूराज देसाईंच्याच हस्ते या बंधार्‍याच्या कामांस सुरुवात व्हावी असा आग्रह शेतकर्‍यांनी धरलेनंतर आमदार शंभूराज देसाईंचे हस्ते उरुल बंधार्‍याच्या कामाचा शुभारंभ करण्यात आला.
शुभारंभा दिवशीच आमदार शंभूराज देसाईंनी दोन दिवसात बंधार्‍याच्या कामास सुरुवात करा अशा सुचना दिल्याने बंधार्‍याचे ठेकेदार शिवानंद पाटील यांनी तातडीने या कामांस सुरुवात करुन सध्या हे काम प्रगतीपथावर आल्याचे पहावयास मिळत आहे.
उरुल लघु पाटबंधारे बंधार्‍याचे कामांस आ.शंभूराज देसाईंच्या प्रयत्नामुळेच सन 2007 मध्ये 5 कोटी 90 लाख 09 हजार इतक्या किमंतीस प्रशासकीय मान्यता मिळाली होती. भुसंपादनाची रक्कमेअभावी बंधार्‍याच्या बांधकामाचे काम पुर्णत: रखडले होते.राज्याचे जलसंधारणमंत्री ना.राम शिंदे यांचेकडे गतवर्षी या विषयासंदर्भात त्यांनी पुढाकार घेवून बैठक घेतल्याने शेतकर्‍यांच्या भूसंपादनाचा व प्रकल्पाच्या सुधारित प्रशासकीय मान्यतेचा विषय मार्गी लागला.एक चांगला प्रकल्प आमदार शंभूराज देसाईंच्या माध्यमातून या विभागात होत आहे. या बंधार्‍याच्या कामांस त्यांनी शासनाकडे पाठपुरावा करुन 28 कोटी 32 लाख रुपयांची सुधारित प्रशासकीय मान्यताही मिळविली असून उरुल,ठोमसे व बोडकेवाडी या तीन गांवाकरीता भूसंपादनाकरीता 6 कोटी 13 लाख 99 हजार रुपयांची रक्कम मंजुर केली. पहिल्या टप्प्यात एकूण 4.50 कोटी रुपये शेतकर्‍यांच्या खाती जमा करण्यात आले असून भूसंपादनाच्या दुसर्‍या टप्प्यातील रक्कम शेतकर्‍यांना देणेची कार्यवाही विभागस्तराव सुरु आहे.
उरुल लघू पाटबंधारे बंधार्‍यांची उंची 20.60 मीटर असून लांबी 660 मीटर आहे. या तलावामध्ये 1900 स.घ.मी. इतका पाणीसाठा अपेक्षित असून या तलावामुळे सुमारे 243 हेक्टर इतके क्षेत्र ओलिताखाली येणार आहे. सद्यस्थितीत बंधार्‍याच्या कामांमध्ये भराव्याचे काम पुर्णत्वाकडे गेले असून आऊटलेट (पाणी सोडणे) गेटचे काम प्रगतीपथावर आहे.यामध्ये रिंगरोडचे काम करावयाचे असून बुडीत क्षेत्रातला रस्ता व पुल उभारण्याकरीता निधी मंजुर असल्याने सदरचे काम लवकरच हाती घेणार असल्याचे ठेकेदार यांनी आमदार शंभूराज देसाईंना सांगितले. यावेळी बोडकेवाडी व ठोमसे येथील बुडीत जाणार्‍या विहीरी उंचावर घेवून या विहीरीची दुरुस्ती करण्याचे काम लवकरात हाती घ्यावे.
या बंधार्‍याच्या कामांकरीता आवश्यक असणारी सर्व रक्कम शासनाने एकरक्कमी आपणांस मंजुर केली आहे त्यामुळे निधीच्या संदर्भात कोणतीही अडचण नसून बंधार्‍याचे काम लवकरात लवकर कसे पुर्ण होईल याकडे प्राधान्याने लक्ष देवून बंधार्‍याचे काम दर्जेदार करण्यात यावे असेही आमदार शंभूराज देसाईंनी यावेळी संबधितांना सुचित केले. यावेळी लोकनेते बाळासाहेब देसाई साखर कारखान्याचे संचालक शशिकांत निकम, बजरंग माने, शिवाजी देसाई, आबासो माने, आनंदा धनावडे, संग्राम मोकाशी या प्रमुख पदाधिकार्‍यांसह लघू पाटबंधारे विभागाचे उपअभियंता पवार, ठेकेदार शिवानंद पाटील यांची प्रमुख उपस्थिती होती.