राजूरीजवळ मालट्रक झाडावर आदळून चालक ठार

फलटण: पंढरपूर- फलटण रस्त्यावर राजूरी (घोलपवस्ती) जवळ मालट्रक झाडावर आदळून चालक ठार झाला असून दोन गंभीर जखमी झाले आहेत.
23 ऑक्टोंबर रोजी पहाटे साडे चार वाजण्याच्या सुमारास पंढरपूर – फलटण रोडवर मालट्रक क्र. घअA 56/ 7444 मधून फलटण बाजूकडे जात असताना ट्रकचालक नागेश दौलतराव काळे वय 41 वर्षे राहणार जाळकोट (ता. तुळजापूर जि. उस्मानाबाद) यांनी आपल्या ताब्यातील ट्रक भरधाव वेगात चालवून व समोरील वाहनाचे लाईट डोळ्यावर पडल्यावर ट्रक बाजूला घेत असताना झाडाला ठोकर बसल्याने चालक नागेश काळे जागेवर ठार झाले असून महेश अशोक फाळके (वय 30) राहणार सोलापूर व अमीत अशोक गायकवाड (वय 22 वर्षे) राहणार येणेगूर (ता.उरमला जि. उस्मानाबाद) हे गंभीर जखमी झाले आहेत.
अधिक तपास पोलीस उपनिरीक्षक यु. एस. शेख करीत आहेत.