थोर विचारवंत यशवंतराव मोहितेभाऊ द्रष्टे नेतेः डॉ.सुरेश भोसले

कराड : समाज हा सातत्याने बदलणारी प्रक्रिया असते या विचारावर थोर विचारवंत यशवंतराव मोहिते भाऊ यांचा विश्‍वास होता. यासाठी नेहमी परिवर्तनाचा विचार मांडला पाहिजे, या भूमिकेने भाऊ समाजात कार्यरत राहिले. यशवंतराव मोहिते भाऊ हे द्रष्टे नेते होते.
राज्याचे परिवहनमंत्री, अर्थमंत्री व सहकारमंत्री म्हण्ाून त्यांनी असंख्य समाजाभिमुख निर्णय राबविले. ज्यामुळे महाराष्टाचा चेहरामोहरा बदलला. असे प्रतिपादन यशवंतराव मोहिते कृष्णा सहकारी साखर कारखान्याचे चेअरमन डॉ. सुरेश भोसले यांनी केले.
कृष्णा कारखाना कार्यस्थळावर थोर विचारवंत यशवंतराव मोहिते (भाऊ) यांना 99 व्या जयंतीनिमित्त मान्यवरांच्या उपस्थितीत अभिवादन करण्यात आले. यावेळी ते बोलत होते. संचालक जितेंद्र पाटील, धोंडीराम जाधव, कार्यकारी संचालक सुर्यकांत दळवी, बहेचे उपसरपंच मनोज पाटील, कराड तालुका साखर कामगार संघाचे अध्यक्ष एम. के. कापूरकर, बाळासाहेब पाटील, हेमंत धर्मे यांनी थोर विचारवंत यशवंतराव मोहिते भाऊ यांच्या प्रतिमेस पुष्पहार अर्पण करून अभिवादन केले.
चेअरमन डॉ. सुरेश भोसले पुढे म्हणाले, गावोगावी दळणवळणाचे साधन निर्माण करण्यासाठी भाऊंनी गाव तेथे एस.टी ही संकल्पना राबविली. या संकल्पनेमुळे ग्रामीण भागातील लोकांना दळणवळणाची सोय उपल्बध झाली. सहकार चळवळीत त्यांचे मोलाचे योगदान असून कृष्णा कारखान्याच्या जडणघडणीमध्ये त्यांची महत्वाची भूमिका आहे.
यावेळी सेके्रटेरी मुकेश पवार, जनरल मॅनेजर (टेक्निकल) पी.डी.राक्षे, फायनान्स ऑफिसर सी.एन.मिसाळ, प्रोसेस मॅनेजर डि.जी.देसाई, चिफ इंजीनीअर सुहास घोरपडे, असि. जनरल मॅनेजर डिस्टलरी प्रतापसिंह नलवडे, चिफ अकौंटट शिवाजी शिंदे, मुख्य शेती अधिकारी प्रकाश सूर्यवंशी, को-जन मॅनेजर गिरीश इस्लामपूरकर, सिनी. सिव्हील इंजीनीअर डि.व्हि.कुंभार, सुरक्षा व पर्यावरण अधिकारी सुयोग खानविलकर, लेबर अ‍ॅण्ड वेल्फेअर ऑफिसर अरूण पाटील, कार्यालयीन अधिक्षक निलेश देशमुख, वाहतुक अधिकारी गजानन प्रभुणे, संरक्षण अधिकारी संपतराव पाटील आदींसह अधिकारी व कर्मचारी उपस्थित होते.